والله ياخوي انت بين خيارين واحدهم اصعب من الثاني ..
انا بقدم لك مجرد راي كـ نوع من المشاركه

انا افضل انك تتوظف اي وظيفه عاجله عمرك الصراحه مايساعد ابد على اي قرار ثاني
إذا احنا اللي بين ال 23 و 24 نندب على حظنا ..!!
ومع الوظيفه تقدر تدرس اللي تبي وتجيب الشهاده اللي خاطرك فيها
وفوق كل هذا معاك خدمه تضايفها وين ماتبي اللي هي خدمتك بالعسكريه في فترة دراستك
فرضنا انك جبت البكالريوس وقدمت على الخدمه المدنيه .. وانتظرت .. الين جاك الدور وتوّظفت على ما اعتقد ان البكالريوس يتم تعيينك على مرتبه سادسه ..
لكن لو كنت في وظيفه عسكريه وفرضنا خدمة 4 سنين اللي هي مدة الدراسه .. وسنه اللي هي انتظار الخدمه المدنيه
ونزل تعيينك راح تكون في المرتبه السادسه ( المستوى الخامس ) .. ومن المعروف ان من فوق المستوى الثالث تتشرح لـ رئاسة قسم ..
يعني بالحالتين انت كسبان انك في وطنك وعلى راس وظيفتك وعندك دخل ثابت تحقق فيه اللي تبي الين الله يفرجها وتجيب البكالريوس
احسن من ان تتغرب وتوازي نفسك وتجيب البكالريوس وتنتظر الخدمه المدنيه بعد ..

هذا مو بس رايي انا لـ اجل دوامة الحيره اللي انت فيها استشرت شايبي واخذت راي الوالده الله يمدهم بالصحه والعافيه وكان مثل رايي بالضبط ..
بالنهايه انت استخير وربك يقدم الخير بأذنه ..