أنا مراقبة على مرحلة كاملة ثانوي طول اليوم مراكض مع هالطالبات ومسؤوولة عن غيابهم وتجميع أعذارالغياب ووضعها في ملف وفهرستها وتسجيل الغياب في نظام نور والاتصال على أولياء أمور الطالبات الغائبات يومياَ مرتين في اليوم في حال ماردوا
محسوبتكم أمينة طول الوقت أدقدق لنهاية الدوام كل مالقيت فرصة اتصلت لحد مايردوا لأني محاسبة لو ماردوا
ومسؤولة عن إستئذان الطالبات وخروجهم والاتصال على أهاليهم في حال تعبوا أو نسوا حاجة ومسؤولة عن ملفات الطالبات وجردها وحصر الأقامات المنتهية وإبلاغ الطالبة وبين فترة وفترة يطلبوا مني حصر الطالبات السعوديات والغير سعوديات كم طالبة سودانية أردنية سورية .... الخ وإعطاء الطالبة الملف الصحي في حال أحتاجته وأخليها توقع بالأستلام والتسليم
ومراقبة الفصول والمعلمات اللي دخلوا الفصل واللي تأخروا وإبلاغ الوكيلة في حال ما حضرت المعلمة أو صار تعارض بالجدول والوكيلة والمرشدة الطلابية يخلوني أخلص أشغالهم لو فيه ورق يخصهم أو مايخصهم مجلس أمهات تعهدات إجتماع ... الخ أنا أوزعه على الطالبات وبعدين أجمعه منهم ومطراش أنادي الطالبات والمعلمات اللي تحتاجهم الوكيلة أو المديرة أو المرشدة الطلابية أو الكاتبة أو المرشدة الصحية وحتى العاملات فديتهم والله ومسؤولة عن مخالفات الطالبات شعر مناكير مراييل ... الخ وحضور المعلمات للطابور الصباحي وترتيب الطالبات في الطابور وإذا فيه نشاط في المدرسة أوقف عند الدرج عشان لا أحد يطلع فوق أو يدخلوا الفصول الترم الأول خلوني ملاحظة في الأمتحانات الدورية وأوزع الأسئلة على اللجان وورق التوقيع إن كانت دورية أو نهائية والحين صاروا يخلوني أدخل حصص إحتياط
والمناوية دورية يومين تتكرر كل شهر أو كل ثلاثة أسابيع و معها مناوبة الفسحة
وعلى كل الكرف اللي نكرفه مو عاجب وكله مو محتاجينا وأحنا عددنا زايد ويحسسونا أنا أحنا نكرات الله يعين لو هم محتاجينا تقول الوكيلة ماعندي مراقبات سنعات
هذرتي طويلة بالمختصر مراقبة
بسألكم التجمع هذا بس للنقل الخارجي ؟؟؟؟؟؟؟