السلام عليكم ورحمة الله وبركاته
اخواني الي عنده موعد بالرياض
راح يصير التالي :
اهم شي اعرف ان الشغله فله لا تترك دخانك ولا ولاعتك ولا جوالك ولا مصرفك عشر ريال صرف
حضورك عند الساعه 5,30 صباحاً
تجلس بالمنصه ( صاله اول ماتدخل على اليسار )
يعلنون الأسماء بحدود كل عشرين اسم مع بعض
اختبار اللياقه ( الي خايف البشم والركض يراسلني على الخاص ويبشر )
( بشم + تنسدح على ظهرك وتحط يدينك وراء راسك + ركض مساه بسيطه )
ثم تروح تجلس وتنتظر الأختبار التحريري ( طبعاً قبلها يقولون الي يبي يشرب مويا البوفيه بجنب قاعة الأختبار التحريري ( اهم شي خل معاك صر ريالات عشان الهنود الي يبيعون موياء ماعندهم صرف )
بعدها الأختبار كتالي : ( لا أضمن الأسأله بنص ولاكن هذا ماتكرر معي يوم السبت ومع بعض من من اعرفهم يوم الأحد )
15 سؤال : صح وخطأ
س : اولي العزم من الرسل هم : ابراهيم
س : فاز المتختب السعودي بكأس الخليج عام 1423 هـ
س : ولد صلاح الدين بالعراق وتوفي بدمشق
س : اول مدينه مصريه للمسلمين هي الفسطاط
س : سوق عكاظ يقع بمدينه الطائف
س : ام المؤمنين هي عائشه رضي الله عنها
س : اول من أسم من النساء هي خديجه رضي الله عنها
س : مساحة الربع الخالي اكثر من نص مليون كم2
بعدها يرجعونكم للمنصه وكبر وسادتك وتريح ونم وغن وطقطق بلوتوث لين يجي اسمك
الجامعيين ( بسرعه )
ثم الدبلوم ثم الثانويه ثم الواسطه
تدخل مكتب القبول والتسجيل وياخذون اوراق الي جاي من خارج الرياض ويعطونك ورقه تعهد انك تتدرب بأي مركز من مراكز سلاح الحدود ( روتين ) مع البصمه , ويرتبون اوراقك ويعبي الضابط استماره لك ويعطيك اوراقك بدون ملف علاق وتروح شباك رقم اربعه ويخليك توقع وتختار ثلاث مناطق تتدرب فيهن وياخذ اوراقك وبطاقتك الشخصيه ويخليك تجلس وينادي بأسمك نقيب شهراني ويطابق الأصل الثانويه والشهادات الإضافيه كالحاسب وغيرها
وبعدين يجي جندي وينادي بأسمك وتروح معه ويخليك تنزل شماغك وجزماتك وتدخلون بالدور على عميد وعقيد ونقيب ياخذون طولك ووزنك ويطالعون لخشتك ويقولون لك انتظر النتائج يوم الجمعه
ماياخذون صور
خلك بلبسك الرياضي بتشوف شباب لابسين مانشستر والهلال والنصر وخرابيط بس خلك واثق من نفسك ولابس لبس محترم
الدعوه سهالات
والله يوفق الجميع
وانا بالخدمه
الي معقده شي يراسلني ويبشر بعزه