888

كلامك حلوو بس فيه نقطة أكرهها وهي تشبيه حريم أول ببنات الحين يعني الاختلاف كبييييييييييير حتى عند الرجاااااااااال يعني بالنسبة للملابس أول كم قطعة تكفيهم وتلاقين لكل واحد قطعتين او ثلاث إذا كثر وغسل ونشر ومافيه مطالبة بالكوي وخلافه أما عن الحطب يا ستي فطبخهم بعد قليل يعني صنف واحد الحمد لله يكفي الكل لكن تعالي شوفي بنت هالوقت بايش مطالبة من ناحية الطبخ مطالبة بشعبي وشامي وحلويات ومعجنات وأشياء كثيرة لو ماسوتها بنت الألوين مااحد نقد عليها أما بالنسبة للكسل عن غسل صحنين أو ثلاث فما أظن فيه وحدة بتكسل على صحنين أصلا متى صار صحنين أو ثلاث إلا صحون وقدور وصياني وملاعق وكاسات وكل شيء ومع ذلك الأغلبية ساكتات وراضيات هذا غير أن بنات الحين مطالبات بالاهتمام والعناية بالشعر والبشرة واللبس والزين أشياء ماكانوا القديمات مطالبات بها كانوا حريم أول نظيفات وعلى عيني وراسي وزوجها راضي بها وباللي تحطه لكن اليوم لو يدخل وهي تطبخ راح كتب في المنتديات المعذب من إهمال زوجته ويبدأ زوجتي ماتتزين ماتتكشح ما ما ما وإذا لقاها زينة كاملة وطابخة أكلتها ومنظفه بيتها بس قبل مايدخل سي السيد البيت قام واحد من الاطفال وحاس المكان يدخل ويهوش ويصارخ يامهملة ياعديمة الإحساس ليش الدنيا فوضى الخلاصة يا وخيتي الله يعطيك الصحة والعافية وماشاء الله ربي قدرك ع هالشيء ورزقك بنات يكونون عون لك فهالشيء ترا غيرك كثيييييير ماربي عانهم أعرفك وحدة بيت دورين وأولادها شباب وعندها بنت وحدة بأول ثانوي و3 أطفال وماعندها شغالة البيت عليها وعلى بنتها وياعيني عليهم من وين يلاقونها الشباب والأطفال نفس الطينة بس يحوسون بالله هالثنتين مايستحقون شوي راحة ولا هالآلآت اللي ذكرتيها بتشتغل لحالها بدون مايوقفون عليها ويشتغلون بها وتدرين البنت هذي مطالبة انها تكون متفوقة بالله مو حرام إلا أبصم بالعشر ان الشغالة مطلب ضروري بس عاد مو لوحدة هي وزوجها في شقة لا للبيوت المليانة أطفال أو حتى شباب الأم لحالها مااااااتقدر ليش نكذب ع بعض الله يعين بالعافية ويسخر للجميع ع فكرة ترا ماعندي شغالة وحاليا ماأبيها بس ماأدري يمكن بكرة أو بعده أحتاجها الدنيا ماتبقى ع حال بس جد جد ترا أنا من النوع اللي تستفزة المقارنات بين أول والحين بالذات من ناحية البنات ياعيني عليهم .