المشاركة الأصلية كتبت بواسطة مرايا الكون

هلا اختي / اخوي

انا استلمتها امس من الضمان النسوي في الرياض ، طبعا عندي وكالة من امي ، وامي تعبانة ، لذا اخذت اختي ورحت
قلت لها اذا تقدرين تستلمينها بدون لا اتدخل انا بصفتي حامل وكالة خاصة عن امي بمراجعة الضمان يكون كويس

راحت اغطست داخل ومعاها بطاقة الصراف القديمة وكرت العائلة وجتني اختي تقول صوووور بطاقة احوالك ورح لمنسق الرجال مكتبه بره عرررف علي تلقى عنده نموذج ، لان ما عندها بطاقة احوال ،
رحت لابو الشباب عرررفت على اختي وختم صورة بطاقتي وارفق النموذج اللي عبيته عنده .
الشاهد :
اذا عند اخوك وكالة بيستلمها عادي من المنسق الاداري اللي مكتبه موجود برا وهو سعودي ويتواصل مع الحريم
والا تروح وحدة من خواتك او امك ونفس طريقتي
الحل الاخير يروح اخوك لمكتب الرجال بالبطحاء يصدرون وحدة له بناء على الوكالة ، الرجال الين من الحريم بهالامور

استلمناها وقال 3 ايام تشتغل على نفس الرقم السري ، واليوم شيكت عليها واوكي سحبت