سؤالي
- مامدى جدوة هذه الطريقة ,, ومامدى احتمالية الخسارة فيها ؟؟

بالنسبة لشغلة ان البنك يستثمر فلوسك ما انصحك فيها .. وممكن تتابعي نتائج اغلب صناديق البنوك نهاية السنة يعلنون عن خسائر .. قبل شهر كان فيه اعلان من صناديق البنوك عن خسائرهم نهاية 2012
ومن تجربة ناس سمعت فيها ان البنوك خسرتهم او ع الاقل لم يحققوا اي ارباح جيدة .

وبالمنطق بعيدا عن هذه الاعلانات ما انصحك فيها بالمرة




- كم المبلغ اللي احتاجه عشان اسويلي محفظة واتضارب بالاسهم انا بنفسي (انتبهوا مضاربة وليس مساهمة)

حتى لو عندك ألفين ريال فقط تقدرين تبيعين وتشترين الاسهم من المحفظة حقتك


-هل فتح الحساب الاستثماري هي نفسها فتح المحفظة ام هناك فرق.؟؟

المحفظة هي حساب استثماري .. اسمها كذا .... والحساب الجاري اللي تحولين منه او تسحبين منه فلوسك


-م الفرق بين المضاربة والمساهمة ؟؟ وايهما افضل ؟؟وهل انا بحاجة الى استخدام اسمي في المضاربة ,, يعني هل يجب ان اعمل سند امتلاك اسهم في الشركة ام لا؟؟

المضاربة تشترين سهم اي شركة عند سعر وتبيعين اذا ارتفع بعد ساعة او يوم او حتى اسبوع او حتى بعد 5 دقائق .. مثلا ابي اشتري سهم القصيم الزراعية عند سعر 14 ريال واتوقع صعوده الى 15 اشتري الكمية اللي ابغى وعلى حسب السيولة المتوفرة في المحفظة ..


والاستثمار لايصلح الا لمن يملك نصف مليون ريال واكثر وسوقنا السعودي بصراحة لاينفع معه لا استثمار ولامضاربة الا للمحترفين جدا في تحليل وقراءة سوق اللاسهم السعودي

اذا بتفتحين حساب في الاهلي اقدر اعلمك الطريقة من الى .. وقبل كل شئ لازم تروحين البنك وتفتحين محفظة اذا ماسبق لك شراء اسهم اكتتاب قبل كذا .. اذا كان عندك اكتتاب باسمك سابقا تلقائيا بيكون لك حساب استثماري ( محفظة ) لدى البنك .. تحتاج تفعيل وتسجيل اسم مستخدم ورقم سري فقط من موقع البنك على الانترنت .



اذا في الاهلي .. اكتبي في قوقل .. تداول الاهلي .. تفتح لك صفحة اختاري دخول .. ثم تفتح لك صفحة اخرى .. اختاري سجل في الاهلي تداول .. ثم تفتح لك صفحة التسجيل .. اختاري من الصفحة اما تداول اساسي ( مجانية بدون رسوم ... او بلس برسوم 750 ريال في السنة .. ثم كملي البيانات .. رقم السجل المدني ورقم الحساب الجاري ورقم بطاقة الصراف ورقم المحفظة ( الحساب الاستثماري ) وباقي المطلوب ..

وباقي البنوك الاخرى نفس الطريقة ممكن من قوقل ممكن تكتبين تداول الراجحي او الفرنسي او الرياض الخ