كلامك صحيح لو الايميل والاعلان مهب مأخوذ من جريدة مثل عكاظ أو جريدة الرياض

بس محد بيدفع كم ألف لجل ينزل إعلان بإيميل وهمي في الجريدة مثل الاعلان المصور اللي فوق اكيد موجود بأحد الجرائد واذا حصل إن الايميل مزيف الجريدة اللي تتحمل هذا الشيء

بس صدقني لو تتابع أغلب الايميلات اللي هنا تلاقيها غير رسميه

تابع الوظائف الحكومية هنا وخصوصا في وظائف المعيدين او الاداريين في بعض الجامعات مثل جازان وغيرها تلاقيها ايميلات عادية مهب رسمية كمان اعلانات بعض وظائف المستشفيات الحكومية تلاقيها ايملات غير رسمية ولما تدخل على موقع المستشفى او الجامعة تلاقي نفس الايميل موجود الغير رسمي

ومع هذا اقول ممكن فيه ناس تنزل إعلانات مكذوبه وهاذي الاعلانات تنتشر بكثره على الواتس اب وأنا بنفسي عرفت حقيقتها

نصيحه اي واحد او وحده تلاقي ايميل غير رسمي او رقم فاكس ويقول ارسل السيرة الذاتية ( الحذر واجب )

يبتعد كل البعد عن كتابة رقم الهوية

واذا تأكد فعلا إنه ايميل موجود في موقع رسمي او شركة معروفه او غير كذا

في هاذي الحالة لا يخاف ويكتب كل بياناته ( اذا طلب منه في الاعلان كتابة رقم الهوية والاسم ورقم الجوال وغيره )

بعض الشركات تنزل إعلان وتقول يرجى كتابة الاسم ورقم الهوية والجوال ولما الواحد يرسل يسعودون سعودة وهمية يتأكدون من رقم الهوية والاسم ويوظفون وتلاقون الولد أو البنت موظف او موظفة له كذا سنه في هاذي الشركة وهو مهب داري وقد حصل هذا

ونصيحه ثانيه للناس اللي ترسل سيرتها الذاتية على الايميلات او الفاكس يبتعد عن كتابة رقم الهوية واذا طلب منه رقم الهوية ياليت يشيك كل اسبوع على التأمينات الاجتماعية او وزارة العمل هل إسمه موجود كموظف أو لا

انا قدمت على حوالي 530 شركة تقريبا وارسلت لهم سيرتي
قبل كنت كاتب رقم الهوية وبعد فتره واحد موظف في طاقات قلي لا تكتب رقم هويتك يكفي اسمك والجوال ومؤهلاتك وكنت كل شهر اشيك على التأمينات واستعلم برقم هويتي هل انا موظف او لا ولله الحمد كله تمام

......................

بقي سؤال ورى بعض الاعلانات تقلك كتابة رقم الهوية مع إني ما قد مريت إلا على اعلانات قليلة لا تكاد تذكر تقول كتابة رقم الهوية

والظاهر يبون يتأكدون من رقم هويتك هل إنت على رأس العمل او لا

او هل سبق وقد عملت أو لا

او هل عليك مخالفات مرورية أو لا

لأن بعض الوظائف تتطلب إنه ما يكون على المتقدم اي مخالفات مرورية

شكلهم ما يبون يتعبون المتقدم لما يقلون له رح هات برنت من التأمينات او المرور

ويمكن لهم مقصد آخر مدري عنه

بس الحين صارت في رقابه مشددة وقل اللعب من بعض الشركات في السعودة وخصوصا لما جاء وزير العمل الجديد

هذا اللي استنتجته من شرطهم هذا