كل قطاع له مميزات وسلبيات ولاتنسى التخصص
انا اعرف ناس بأخس قطاع اللي هو الجيش القوات البرية لكن دوامهم ماشفت مثله بالراحة

والعكس صحيح اعرف شخص بالطوارئ وفصل منها صح انها راتب لكن كرف ودوام زفت وصفة صباحية وبأي لحظة يدقون عليك وتحضر ومسانده وعيد الحج انتداب ماتعيد عند اهلك



انا بتكلم عن مكافحة المخدرات بحكم اني قددمت عليها مع العلم اني مابغيت اقدم عليها وكنت شايلها من راسي لكن يوم سألت واستشرت عرفت اشياء ماكنت اعرفها

الصراحة قطاع ممتاز جدا من ناحية الراتب والراحة صح فيها شوية خطورة لكن تذكر ان مو انت لحالك تقبض على المروجين معك فرقة يعني مايمدي المروج يحط يدة بجيبه الا راح في خبر كان هههههههه

وبالنسبة للتهديدات اللي تجيك والغدر من اصحاب المخدرات فيه نقطة مهمة ابي اذكرها اللي هي ( خلك ذيب وحاول ان محد يعرفك اذا مسكتوا احد ولاتسولف عند اي واحد حنا مسكنا فلان وعلان وحنا مسكنا وفعلنا بالعربي خلك كاتم اسرار عملك ) صدقني محد يدري عنك

مميزاتها /الجندي اول مربوط 7800 ويكفيك الخوة والصداقة اللي بين الافراد والضباط مافيه فرق بين جندي وملازم الا الرتبة خاااصة اذا كانوا ميدانيين تلقاهم بسيارة وحدة واحلى فله ووناسة والدوام بثوب وهجولة بالشوارع يعني حتى اذا داومت كأنك طالع استراحة مع الشباب مو مثل القطاعات الثانية تستلم جالس بغرفة او بوابات والاخلاق مقفلة معك وهذا من غير المكافأت اللي تجيك اذا مسكتوا مخدرات

باختصار/ طناخة + راتب +هيبة + دوام ولا أحلى +مكافأت

والسلبية الوحيدة انها قد تكون خطرة اذا كنت متهور ولاتشاور زملائك لكن اذا كنت مع زملائك فيد الله مع الجماعة واخلص نيتك لله

طبعا انا اتكلم عن المكافحة فقط ومثل ماقلت كل قطاع له مميزات وسلبيات

دعواتكم اني انقبل فيها