انا تخرجت يوم 17-7-1432 وقتها كانت المفاااضله قبل اتخرج بشهر وعليها اتوقع في نهاية شهر 5 او بداية شهر 6
الزبده انها راحت علينا ذاك العام وقلت يالله خيره يارجال ننتظر شهر 6 السنه الجايه.. جاء شهر 6 انتظر مفاضله شي منا منا ماااش واخروها الي شهر 9 وتتذكرون يمكن المفاضله والتعيينات نزلت بشهر رمضان العام اللي راح
وقتها انا ماني معدي قياس وكان الانقلش والرياضيات لسى فيها احتياج فقالوا نسوي اختبار استثنائي وتوكلنا ع الله وتوجهنا للرياض وسوينا الاختبار وعديت الحمد لله
عاد بعد ماطلعت النتائج وعرفت اني ناجح قلت خلااااص توظفت ...وبالفعل بعدها بأسبوع الخدمه المدنيه ارسلت لي تعال طابق بياناتك ...رحت وطابقت ومبسووووووووط ..
نزلت التعيينات ومانزل اسمي !!
سألت قالوا والله اللي نجحوا في قياس كثير فقلنا نفاضل بينكم وناخذ اللي معاه تربوي خخخخ....
بعد السالفه الطويله ذي احب انصحكم توقعوا اسواء الاحتمالات مع وزاة التربيه والتعليم والخدمه المدنيه
بالنسبه للأحتياج السنه هذه اتوقع راح يكون نهاية شهر 8 او بداية شهر 9
اتوقع الاتقلش راح يكون له نصيب الاسد بحكم دخول الانقلش صف رابع ابتدائي واللي كان مقرر له من سنتين ولكن ما حصلو معلمي مع انهم نايمين في بيوتهم ومحد سأل فيهم
اللي حبيت انوه عليه اللي من الرياض ويقدر يسأل يروح لوزارة التربيه والتعليم ويسأل عن موعد نزول الاحتياج زي ماتفضل اخوي تأبط خيرا