المشاركة الأصلية كتبت بواسطة مترجم فرنسي

بصراحه شي مؤلم ومؤلم اكثر اذا عايشت نفس الظروف
الاخوات ماقصروا شقوا القربه وقالوا واكيد هذا غيض من فيض
فحسبي الله على من وصلنا الى هالحالة
الوظايف في الحكومه صايره توريث
كل مدير ماسك قطاع حكومي مخليه وقف على
عايلته وحتى اللي مابعد يجي محجوز مكانه
اخواتي انا مثلكم اشتغل في مدرسه خاصه
مدرس واداري بعد واصعب شي عندي اذا جاك
واحد وقعد يتفلسف عليك وقالك ليش ماسجلت وليش مارحت
وجيت يفكرك جالس وماسويت شي مايدري ان انطحنا من الراحه والجايه
وعطاك ذيك النظرة الحزينه وقالك والله حرام
انا بس ابي اعرف هل فيه دفعه قبلنا من المبتعثين توظفوا ابي احد يجاوبني
انا عند ماجستير تجارة الكترونيه ومش عارف شنهو الوظايف اللي بشتغل عليها
في الديوان اذا في احد الاخوان او الاخوات عنده معلومه يقولي
لاني بحثت عن وظيفة تجارة الكترونيه مالقيت رغم اني طابقت اوراقي
بس شنهو الوظيفة اللي بيظفوني عليها ابي اعرف المسمى
كأني كثرت من الفلسفة والهذره بس نتحمل بعض اشنسوي
وبالتوفيق للجميع