السلام عليكم ورحمة الله وبركاتة

ولله الحمد مشيت البارح بالليل الساعه 1 من المدينة ووصلت جده الفجر واختبرت الساعه 8 ورجعت للمدينة وهذا وصولي

بتوفيق من الله اخذت الشهاده ولله الحمد وكان الاختبار جدا سهل

وجيتكم بكل الاسئلة الي تدور في راسكم

اول سؤال هل الشهادة مهمه
الجواب نعم الشهاده هذي بدونها لم يتم قبولك بالدفاع المدني ولو كانت معاك شهاد غطس تكون اضافية مثل الحاسب مع الثانوي

2 هل الشهاده للدفاع المدني فقط

الجواب لا الشهاده معاك طول عمرك مثلها مثل الثانوي تضيفها في اي تقديم وهي شهادة معتمدة 100%

3 اذكر واحد من الاخوان رسب بالغطس والسؤال هل اذا فشلت في اي شي تفيدني الشهاده

الجواب لو ترسب في اي شي من الاختبارات الخمسة بلها واشرب ماها ماتنفعك حتى بالدفاع المدني

4 لو رسبت اقدر اعيد وفلوسي وين تروح
ا
الجواب فلوسك ماترجع لاكن الاختبار الثاني لك 200ريال

هل فيه تجارب او يختبرني على طول

الجواب
خذ راحتك اغلط مره مرتين 3 6 ولك محاولات بس اهم شي اذا ماعرفت يحط لك لم يجتاز الزبدة فيه محاولات وتقدر تجلس بين اختبار واختبار ترتاح بالوقت الي تبي بس ماتطول بالحيل



هل الاختبار له فترت نهاية

الجواب من الكبتن

ماوصلني شي عن نهايته وترى الشهاده هذي ياخذها اي واحد يبيها حتى لو اجنبي لو يجي مصري الحين يختبر واجتاز ياخذها ومدري عن الدفاع بس عني انا ماوصلني انه ينتهي




والان شرح قوائم الاختبارات ال5

بالترتيب الي تطبقة انت

الوقوف في الماء لمدة دقيقه دون لمس الارض (لانقزت من المسبح يقولك وققف بالمويا توقف بالثواني والله اهم شي يشوف انك قدرت توقف)

الخروج من الماء باامان دون استعمال السلالم (احسن شي ان المويا لاخر الجدار يعني انت وانت تسبح تتمسك بالجدار سهل جدا )


السباحة تحت الماء والتقاط جسم ثقيل (يرمي لك كورة تقريبا ثقلها ثقل المويا ابو ريال ويقولك اغطس وجيبها 5 متر وتطلع كذا انجزت او انك تاخذها وتطلع وتاخذ نفس واحد بس وترجع تغطس وتطلع وتاخذ نفس واحد بس وتغطس وتطلع وتاخذ نفس وتكمل المهم تقطع المسبح معك 3 انسام ) سهل جدا

قصة خوي الي ماجتاز عشان تعرفون السهوله هو مايعرف يسبح خير شر
قل المدرب انقز ونقزه وكان بيغرق هههههه وخلاه يحاول 2 ونفس الشي ماقدر يوقف بالمويا
قال للمدرب خلاص مابي قال كيف ماتبي لو عرف الغرقان كيف يغرق ماغرق المهم قال المدرب شوف هذي امانه مستحيل اعطيك اجتياز بدون ماتجتاز بس مستعد اخليك تقدر تجتاز

الله يعطيه الف عافيه نجحت بكل الاختبارات بدون ماعيدها

وبالاخير مانسيتكم اخذت كرت الكبتن الي جبت لكم كل شي عنه وقال دام تقول فيه تقفيل هذا كرتي اي احد بيجي من المدينة خليه يتصل علي قبل يجي ويشوف مفتوح او لا

وفي الختام دععوه من القلب في ضهر الغيب تكفيني


هذا وصلى الله على نبي الخلق اجمعين