حبيت افيدكم حسب خبرتي
حاليا
اللي تخصصها علم نفس ومعاها دبلوم تربوي تجي وظيفتها مدرسة
ولكن اللي مامعاها دبلوم تكون اخصائية نفسية
ومسمى الأخصائية النفسية تم ضمه مؤخرا للكادر الصحي
يعني اللي مامعاها دبلوم تربوي لاااااااااااااااااااااااازم يكون معاها شهادة التصنيف المهني
وموشرط تكون الوظيفة في مستشفى
ولكن الكادر الصحي في سلم الرواتب فقط
يعني تشتغل اخصائية نفسية في اي مركز او وزارة تحتاج دا التخصص
انا من المطابقات في الدفعة الادارية والصحية الاولى 1644
ولكن لم ارشح
بس الحمدلله تم ترشيحي مع بنات الدفعة الثانية
واكملت الان اجراءات الترشيح الحمدلله
وتم توجيهي الى وزارة الشؤون الاجتماعية ووظيفتي تحديدااخصائية نفسية في مركز التأهيل الشامل والحمدلله على رزق ربي
بس لسه ماباشرت ممكن بعد اسبوعين ان شاء الله
وفيه نقطة ثانية مو متأكده منها
السنه اللي راحت نزلت وظايف ادارية في المدارس وكان من ضمن المرشحات بنات من قسم علم النفس وفي نظري كانو مظلومات كان مسماهم مساعد اداري ولايوجد في المدارس مهام عمل لمثل هذا المسمى فااللي اشتغلت مراقبة واكثرهم كانو مراقبات ومسكوهم الف شغله وشغله ولكن الحمدلله اولا واخيرا وان شاء الله يكونو راضيين كلو رزق من رب العباد
ولكن هل حيكون فيه بعد كدا زي دي الوظايف او لا الله اعلم
بالتوفيق للجميع يارب
وتفاؤلوا بالخير تجدوه ان شاء الله