اقتباس:
المشاركة الأصلية كتبت بواسطة وش اسوي ياخي
سلام
اليوم كانت مقابلتي بالرياض 20/5/1434 وحبيت اقولكم وش صار لجل تستفيدون
طبعا انا مقدم على دورة سائق واليوم رحت الصبح تجمعنا عند بوابة التجنيد بالملز كنا تقريبا فوق الـ 100 منا مقدمين للمعهد والباقين سواقين وبرامج خاصة المهم صلبونا بالشمس من 6 ونص الين 8 ونص محد فتح لنا البوابة عقب جاء وكيل رقيب ودخل حقين المعهد وبعد شوي دخلنا الباقين تحط جوالك وبطاقتك بالبوابة عند الشرطة العسكرية وتاخذ بطاقة زائر وتدخل اول شي تقابل قدامك نقيب ورائد واقفين ياخذون منك الملف ويقلب فيه ويقولك يا الباب يا ادخل القاعه
المهم ناس واجد طلعت برا منهم لان عمره كبير ومنهم لان الرخصة توها جديده لان من شروط السائقين يكون مضى على اصدار الرخصة سنه
بعد مادخلنا القاعه حنا وحقين المعهد اخذوا حقين المعهد برا لقاعه ثانيه يسوون الطول والوزن والمقابلة الشخصيه اللي يعديها يروح الخرج يسوي اختبار انقلش
رجع واخذ اللي تخصصهم برامج خاصه مدري وين طلعوا
حنا جلسنا ودخل الرائد يقول اللي عنده ثانوية ليلي يطلع برا طلع كثير وهو طلع لهم وطردهم بقينا عشرين حنا السائقين
وبدا الطول والوزن واللي يعدي يدخل المقابلة الشخصيه كلها عبارة عن اسئله شخصية بس كم عمرك من وين وش اسسمك وبعدها قال رح كمل اجراءاتك رحت اللجنه عطوني موعد الفحص الطبي بتاريخ 25 /5 / 1434 السبت الجاي
وعطوني اوراق البصمات والاحوال ودفتر التحاق بالدوره وفيه بيانات تعبيها ويتصدق من العمده والشرطه ومعرفين ويقول نجيب الدفتر والبصمات وبرنت الاحوال بعد عشره ايام من تاريخ الفحص الطبي يعني بتاريخ 6 /6/1434
سالنا اذا خلصنا الاوراق كلها وسلمناها لكم نكون انقبلنا نهائي ولا وش وضعنا قال اذا خلصتوا كل شي يجيكم رسالة او اتصال في شهر رمضان او قبله عن موعد الدورة طبعا في جده
الفحص الطبي لازم تكون محلق شعرك وبنطلون وتيشيرت وشبشب
هذا اللي صار وسلامتكم 
|
الله يووفقك يا اخووووي
بسألك الحين هم اول شي دققوا بالمستندات الي مطلوبه هذا امنا به
وبعدها مقابله شخصية طبيعية وهم بعد هذا امنا به لكن هم بس وقت الفحص
افحصو الطووول و الوزن بس ولا نظر و عظام ولو افحصوا نظر
وش وضع الي لابس نظارة شفت احد كذا ... والله يكتب لنا الخير وياااااك