جيت لك والشوق فيني ماله حدود ونهايه
جيت لك تعبان ( مرّه ) من عذاب له سنيني
أدري انك حافظ طبعي وقاريني قرايه
وتدري إني غيرك أنته ماتمنيته عويني
تكفى ريّح خاطر اللي ذاق مافيه الكفايه
قامت الدنيا تحده من يسار ومن يميني
صار وقتي يبغى موتي صار وقتي من إعدايه
مايهمه غير تعذيبي وجرات الونيني
والله إني لوني مخطي لاعتذر له عن خطايه
بس مذكر شي واحد يتركه عيّا يليني
حطم أحلامي وعمري لّو ماله فيها غايه
غايته ينكر وجودي لين ينسّيني يقيني
إيه جيتك غصب عني ! ماهو بكيفي ورضايه
إيه جيتك غصب عني وجيتي ماهي بيديني
لاتقول إشلون ؟ قل لي ياحياتي ياغلايه
أبغى اسمع إي كلمه تسّعد القلب الحزيني
إعتبرني طفل شفته فجأة ! بالدرب تايه
ماله احضان تضمه لا ولا له والديني
ظمني من فوق صدرّك خّل هالعالم ورايه
نسنّي همي وحزني في كلامك والحنيني
وإن لمحت دموع عيني واسني وابقى معايه
سوّ نفسك ياحبيبي مالمحت دموع عيني
خلني ابكي واسولف لين أكمل لك عنايه
خلني اشكي بكيفي لين ينباح الكنيني
والله إني أرتعش , وأحس في يدينك دفايه
والله إني خايف , والخوف جنبك مايجيني
واقسم إني منجرح من دنيتي وانته دوايه
وش دوايه , وش دفايه , كل شي عندك يزيني
بس انا جيتك وشوقي ماله إحدود ونهايه
وإعرف إني يوم جيتك والله إنه مو بيديني
حروووووووووووف من ذهب ياذهب
استمتعت بقرائتها
سلمت أناااااااااااااااااااااااااااملك