اقتباس:
المشاركة الأصلية كتبت بواسطة برنسيسو بيه
ي شباب الي عنده خبر عن طبيعة عمل المهمات الخاصة يفيدنا لاهنتم
كم مره اسىل ولا اسمع الا السيفون ... خخخخخخخخ
|
اذا انت اكشناوي وتبي الاكشن 24 ساعة, وجه لالتحريات والبحث الجنائي أو قوات المهمات والواجبات او مكافحة المخدرات.
التحريات والبحث الجنائي: هذي أخوي فيها اقسملك لو تدخلها انك بتعيش حيات جمس بوند.
أتحدث عن التحري تصور دوامك عبارة عن مدني كل مهمتك تستقبل بالاسلكي ##الاسلكي مموه## بلاغ عن مكان مطلوبين سواء مروجين مخدرات أو حرامية إلى ماله نهاية.
مهمتك هي انك تروح المكان الموجودين فيه المطلوبين وتعطي غرفة العمليات جميع أحداثيات المنطقة يعني طريقة دخول القوات المداهمة وخروجها بسلاسة وسلامة, وتعطيهم كم الموجودين في المكان وهل هم مسلحين وعلى كل هذا انت من يصدر امر البدأ بالمداهمة بناء على تقييمك للوقت المناسب.
وايضا مراقبة المطلوبين وتسجيل كل تحركاتهم ووجهاتهم ومن يجالسون << المطلوب لاجلس مع احد عليك بعد انك تتحرى عن اللي جلس معه المطلوب.
قوات المهمات: ياخي هذي بتحسسك انك فاندام, كل دوامهم شبكات وتمشيط يعني مداهمات احياء ونقاط تفتيش متنقله ورصد وإلى ماله نهاية.
الزين ان مافيها حدود يعني شاملة تداهم ( ارهابيين , مرجوين , عمالة متخلفة , حرامية , سحره , قتله ) وأيضا تعزيز ومساندة لقوات أخرى.
مكافحة المخدرات: ماتقل بشيء عن قوات المهمات إلا انك بتداهم مرة وحدة كل شهر أو كل ثلاث اسابيع.
لأن المكافحة تركز اكثر على الروس الكبار والروس اكثرهم متحصنين ومايلقى عليهم شيء.
وأيضا لأن مهمة مكافحة المخدرات تقوم به أكثر من جهه شرطة الأحياء وقوات الأمارة والمباحث وقوات المهمات وجهات أخرى.
هذي إذا كانك من هواة الأكشن, ونصيحتي لك لاتغرك, فيه ناس دخلوها وهذولي هم ماكلين ..... اللي هو.
لانه ماعندك وقت تتكي مع اخوياك ولا مع اهلك وبيدوخونك بالاستلام ويقطعون اجازتك وبيخربون فلتك .. يعني على شبابك السلام والرحمة