المشاركة الأصلية كتبت بواسطة يا رب يسرها

التعيين معروف وواضح

( الباحه - ينبع - حفر الباطن - الحدود الشماليه - الاحساء )

بخصوص التعيين تحدد ثلاث رغبات ياخذون لك الاولى ما فيه شاغر حطوا لك الثانيه ما فيه شاغر حطوك بالثالثه وكلها حلوة وبخصوص العواميه فتره وتعدي وفيه ناس من ربعي ودوهم للعواميه والظاهر كل فتره تروح مجموعه وترجع مجموعه وذي بأجرها من الله قبل كل شيء وثانيا تؤدي عملك وهذا هو عملك بالاساس ( فض المسيرات والتجمعات والتظاهرات ) النقل معروف علللللله بس لو جبت دقيش تنقل غصب عن قايد القوات ارفع اوراقك والثاني يرفع اوراقه وانتهى الموضوع .


ونصيحه من اخ يتمنى الخير لك لا تسمع لكلام السلبيين ما فيه احد مرتاح والوظايف كلن وده برقم ويكون نفسه ويفتح بيت ويعيش لو تبي تسمع كلام الناس صدقني بتجلس عاطل وما تلقى شيء يعجبك ، ولو تجلس تسولف مع اي واحد عاطل وش رايك يطلع لك كل شيء سلبي ويكرهك بالشيء أنا تعلمت درس من قطاع قبل ،، والان ماشي كل شيء صامت ما اعلم احد اسوي اللي يرضيني ومرتاح له لأني لو قلت لفلان وعلان بيكرهني فيها حتى لو ابوك ،،، انا كلمت الوالد قال كرف !! قلت انت منت مكروف الحين مع العلم ان الوالد مدير مدرسه وانا اغلب الوقت معه نسوي الجداول ونوزع الحصص ونرضي فلان وعلان ونحاول نعدل وان خلص استلموه المشرفين زيارات وتعاميم وان غلق منها جاتك الاختبارات وكل جمعه هو رايح يرتب ويسوي محد مرتاح بوظيفته والراحه ما تعرفها لين تحط رجلك بالجنه حطها ببالك ،،، وثاني شخص قابلته بالامن العام يقول حرام عليك تقدم بالجامعه قلت له خذ الملف حقي بس عطني راتب ،،، خلاص انت بمرحله لازم تعتمد على نفسك لين متى تاخذ من الوالد أو اخوك أو تكرف بالسياره بهالخطوط لين متى ؟ ومو من حقك تعيش مثل الناس وتتزوج وتفتح بيت والا تبي تنتظرتنظر لين يروح العمر ؟


وبالاخير انت ما تدري وين رزقك وسوي اللي عليك والباقي على رب العالمين انا قدمت بالمكافحه وما كتب الله والحين بالطوارئ والامن العام وما ادري مع اني جامعي بس انا واثق من رب العالمين انه يحرمني من شيء ويعوضني بشيء والدنيا ذي بكبرها ما همتني ما ابي منها الا الذكر الطيب والابن اللي بدعي لي والخاتمه الزينه .


ممكن كلامي يناسبك وممكن ما يناسبك بالاخير انت اللي تقرر .