المشاركة الأصلية كتبت بواسطة يا رب يسرها

والله توي جاي من عندهم استغفر الله العظيم


أي شخص يروح يقدم ويقعدون له الشرطة العسكرية ينشب لهم ويطّلبهم انا شفت ناس زي كذا وربي قلة حيا يعني اللي ما يعرف له احد لازم حب خشوم ومصاخه ؟ استغفر الله العظيم


المهم انا نشبت للشرطة العسكرية الا ادخل قال لي اصبر ويجي واحد يقول انا جاي من طرف فلان الا العسكري يلتفت لي ويقول تعرف المبنى قلت ايه قال خذ الرجال معاك يعني لو ما جاء احد اطيح برا !!


قابلت خويي اللي بالقبول والتسجيل والله اخباره ما تطمن مع انه يقول ان شاء الله خير ان شاء الله خير حصلت معهم لخبطه بالملفات المتأخرين رفعوهم قبلنا و حنا بعدهم !! ابوك يا التنظيم المهم المأخرين جت ملفاتهم وانا من المجموعه اللي حصل فيه لخبطه والله يستر لا يطلعون لنا بلوة ،،، قال لي وانا ماشي ان شاء الله يلحقونك بالدورة عاد هنا ضربت الفيوزات وبدت الوسوسه يعني فيها احتمال ادخل واحتمال لا انتظر ،،،


ما اقول الا الأجر على الله ،،، والله سبحانه اعلم فينا ووش يصير فينا بهالانتظار


حسبنا الله ونعم الوكيل