تحياتي اخواتي انا سئلت اكثر من جهه عن اصحاب البرقيات خاصه اذا كان مرسل البرقيه حالته تستوجب الاستثناء فقالوا انه هناك لجنه اسمها الظروف الخاصه تنظر في اصحاب البرقيات الي عندهم ظروف خاصه وليست بالظروره المرض يعني مثلا واحد يرعى امه المريضه الي عندها مواعيد بالمستشفى ولااخوة لديه وزوجته عينت بمنطقه بعيده تستوجب السكن فيها هذي ممكن ينظر في وظعها
وسئلت احدى زميلاتي ذوات الخبره قالت اي برقيه تصدر من الديوان تولى الاهتمام طبعا
اخيرا هناك بعض ممن يرد على المواضيع بمحاولة لتكسير او التنقيص من محاولاتنا وانها لاجدوى منها اتوقع ان نقاطهم عاليه وحابين يدخلون المفاضله لانها ستكون في صالحهم !
انا قبل فتره قرات ان وحده عينت على الرغبه الاولى وهي الطائف ونقاطها بالتسعينات لكن لان زوجها عنده دوره مدتها اشهر فراح تقدم على النقل معناطيب وين العدل الان اذا كل وحده نقاطها تسعفها وكل شوي تغير انا وغيري ايش ذنبنا لاحد يقول نقاطك انا وامثالي حذفت من سنين تخرجنا واقتصروا على العشره فقط يعني لو حسبوا سنين تخرجنا يمكن عينونا جمب بيوتنا اعلم ان الموضوع بالنهايه قسمه ونصيب واللي كاتبه ربي بنشوفه لكن فيه ناس تشتكي من اربع مية كيلو وانا اشتكي من اسابيع طوال مااشوف فيها ولدي ومن اكثر من 950 كيلو ومن وحده وخوف وركزوا على كلمة خوف مو اخاف على نفسي بس واخاف على ابنائي الي هم امانه معي وفي النهايه يقولون مفاضله ونظام اي نظام ونص مدارس المدن مافيها مساعدات اداريات
اي نظام اللي يخليني اقعد سنه في مدرسه على وظيفه ماني عارفه فيها راسي من رجلي
اي نظام يخلي جامعيه تربويه تتعين على وظيفه ثم نسمع ان المستخدمات في ادارة تعليم نجران نزلوهم بهالمسمى يعني كانوا مستخدمات وصاروا مساعدات اداريات
اي نظام يخلي المشرفه لمن تجي للمدرسه تشوف سجلات الجميع الا المساعدات الاداريات تقول مالي دخل فيهم ماهم تبعي اجل حن تبع من !
ولا النظام لاجينا نعقدها عرفناه !؟ اخيرا كلمه بقولها للي شاطرين يقولون كلام ومو مقدرين هالكلام احيانا قد ايش يقهر يقول الرسول من كان يؤمن بالله واليوم الاخر فليقل خيرا او ليصمت ..