المشاركة الأصلية كتبت بواسطة ROOO

[align=center]اختباري اليوم بأذن الله الساعه السابعه مساء
لي وجهة نظر في هالموضوع ، اتمنا من الادارة حذف جميع الردود اللي مامنها فايده وترك الامور والردود اللي تفيدنا ، وصلت الصفحات للخمسين وللاسف مافيه الا كم رد افادنا وباقي الردود تحطم وتذمر ! انا في بداية الامر تحطمت جدا لكن ولله الحمد تغلبت ع نفسيتي وبطلع للاختبار اليوم وبوافيكم بكل الامور بالتفصيل بأذن الله تعالى ،
بالنسبه للاخوان اللي خارج الرياض ومايعرفون الوصف ، بحاول اوصفلكم بأسهل طريقه /
امسك طريق الملك فهد حتى يجيك طريق الملك عبدالله ، اذا كان وجهك شمال اطلع يسار مع طريق الملك عبدالله واذا كان وجهك جنوب اطلع يمين ، ابتل طوالي لين تجيك المدينه على يمينك ويسارك ، اليمين بيكون سكن الموظفين واليسار بيكون المعاهد وموقع العمل ، واللي يبي اي خدمه سواء حجز فنادق او مايدل بشكل كويس بالرياض واي من هذي الامور يكلمني وباذن الله اساعده باللي اقدر عليه ولو يبيني احجزله بفندق حجزت / اما بالنسبه للوظيفه والعمل بالمدينه ، اللي مايختبر ويفوتها على نفسه مع احترامي الشديد له هذا انسان غبي جدا ، رواتبهم من اعلى الرواتب وخميس جمعه اجازه معك والاعياد واليوم الوطني اجازه ولك شهر وازود اجازه سنويه وعندهم انتدابات وبدلات ودورات مختلفه والمجتهد له نصيب ومافيها واسطات فيها شد حيلك وامش وفيها سكن لموظفين المدينه سكن للعوائل وطبعا مايجيك الا بعد فتررره بس اهم شي فيه سكن نفس الحرس الوطني والخ / العمل بالمدينه صدقوني شي ماتتخيلونه ! اتكلم عن معرفه لاني سبق وطبقت فيها 3 شهور انصصصحكم نصيحه لاتخلونها ولاتفكرون تخلونها وبالنسبه للي يقول طالبين شخص واللي مقدمين 1000 / ياخخخخخي وينك من التفائل ؟ حرام عليك والله ، نصيحه ثم نصيحه ثم نصيحه لاتتركون الممممدينه اقسم بالله انها حلللمممم عندي اني اتوظف فيها ودعواتكم لي / ارجع واقول اللي يبي مساعده حجز فنادق وصف اللي يبيني استقبله بالرياض انا اخوكم وحاضر ارجوكم ارجوكم فقط ادعو لي بالتوفيق ، العمر راااح والزواج ملهوفين عليه وماعندنا امكانيه ،،
اخوكم عبدالرحمن الشمري[/align]