شوف حبيبي

انا راح اتكلم معاك بحكم خبرتي في هالمجالات

اولا نصيحة شاطحة شوي

شوفلك عمال فاهمين الشغلة وانقلهم على كفالتك لان الاستقدام راح يطووول ويمكن تطيح في عمال مايفهمون يبيلهم تعليم

اما الاستقدام اول شي بعد ماتطلع رخصة البلدية والسجل التجاري تروح تسوي ختم للمنشأة

ثم تروح تفتح ملف في مكتب العمل بيعطونك رقم للمنشأة

تسجل في التأمينات اون لاين (التأمينات الاجتماعية) وتطبع الورقة الي تطلع لك وتروح للتأمينات بختمك ويعطيك اوراق تختم وتوقع عليها بعدين تدخل التأمينات اون لاين وتسجل موظف سعودي واحد على الاقل عشان تقدر تستقدم ولا اذا انت مو موظف تنزل لك نسبة سعودي كامل الي هو انت
اذا اكتملت نسبة السعودي تقدر تقدم استقدام ويطلع مندوب يكشف على المنشأة وتنتظر لين تصدر تاشيراتك

بس اذا انت مستعجل ولا تبي عمال اكثر والجنسيات الي تطلبها وتنطخ على اعتل شنب في مكتب العمل

سجل 10 سعوديين وسدد عنهم في التأمينات 3 اشهر بتطلع عليك 18000 ريال

بعد 3 اشهر واسبوع تقريبا بتوصل للنطاق البلاتيني او الممتاز وتستقدم الي تبي وتفصل السعوديين وخل عندك واحد لأصدار الاقامات اذا جو العمال

اتمنى اني افدتك واي استفسار عندك في هذا المجال لايردك الا الكيبورد