هواي البر واهـل البـروراعيـن المعنـى كلـه
هواي العود ودهن العـودوشوف الطيـب الفالـي
هـواي اللـي الا مــن الدهر ضامه على الذلـه
تحـزم لـه وفسـر لـه من الدرعان فـي التالـي
هـواي اللـي الا جيتـه لقيـت حجـاج من فـلـه
هلا وسهلا ويـا مرحـبب من يلفي مـن ارجالـي
هـواي اسمـع قصايـدوبمعاني المرجله جزلـه
اشيل البيت فوق الـراس اشيلـه شيلـة الشـالـي
وهواي قروم قرص الجمرجافينـه علـى المـلـه
وصخن من حليب نيـاق يطيـب عكـرة البالـي
يسـوسـون السـوالـف ما بها عـوره ولا سفلـه
ويشـرون الزعـل مـن صاحبه باقوال وافعالـي
يـروفـون بمخاويـهـم ولـو فـي خوتـه زلـه
ويرخـون العـذر ليـنان يـاخـذ باسـبـالـي
ولا مـن الفجـر قـرب وصار النـوم بـه فلـه
سمعت اذان ويـا محـلاصـلاة بالخـلا الخالـي
وهذا رمث وهذا ارطـى وذا ملقـاط وذي دلــه
هواي اني اشـوف النـارحولـه صفـة دلالــي
واشوف الصبـح يتنفـس وفيه الشمـس لـه طلـه
واشوف الذود يمشي بهون بيـن الطعـس والجالـي
انا يا ناس اهـوى كثـرما عنتـر هـوى عبلـة
وانا يا ناس مانـي عـن هواي اللي مضى سالـي