شوف اخوي انت اللي تحدد مصيرك وبعطيك اللي عندي
راتب العريف في المكافحة مايقل عن 8500 من غير المكافات والاجازات عند القبض على المخدرات

وراتبك الان 4800 على بند الاجور

شوف انت تعرف اليوم اذا توظفت تبي سيارة + زواج + مصاريف

وراتب 4800 نعمة اذا جابت لك سيارة تمشي الحال بس انسى الزواج

مايبي لها كلام روووح للمكافحة ولاتشاور على الاقل تقدر تتوظف عند اهلك

نصيحة لايغرك اللي يقولك روح للمدنية
وش تنفعك المدنية اذا كان الراتب كذا

ومكافحة المخدرات الصراحة قطاع ممتاز جدا من ناحية الراتب والراحة صح فيها شوية خطورة اذا كنت ميداني لكن تذكر ان مو انت لحالك تقبض على المروجين معك فرقة يعني مايمدي المروج يحط يدة بجيبه الا راح في خبر كان هههههههه

وبعدين المداهمات فيها تخطيط وتنظيم ومعك ناس خبرة وتعرف اللي لك واللي عليك يعني ان شاء الله مافيه خوف

وبالنسبة للتهديدات اللي تجيك والغدر من اصحاب المخدرات فيه نقطة مهمة ابي اذكرها اللي هي ( خلك ذيب وحاول ان محد يعرفك اذا مسكتوا احد ولاتسولف عند اي واحد حنا مسكنا فلان وعلان وحنا مسكنا وفعلنا بالعربي خلك كاتم اسرار عملك ) صدقني محد يدري عنك

مميزاتها /عريف راتبك مايقل عن 8500 ويكفيك الخوة والصداقة اللي بين الافراد والضباط مافيه فرق بين جندي وملازم الا الرتبة خاااصة اذا كانوا ميدانيين تلقاهم بسيارة وحدة واحلى فله ووناسة والدوام بثوب وهجولة بالشوارع يعني حتى اذا داومت كأنك طالع استراحة مع الشباب مو مثل القطاعات الثانية تستلم جالس بغرفة او بوابات والاخلاق مقفلة معك وهذا من غير المكافأت اللي تجيك اذا مسكتوا مخدرات

باختصار/ طناخة + راتب +هيبة + دوام ولا أحلى +مكافأت

والسلبية الوحيدة انها قد تكون خطرة اذا كنت متهور ولاتشاور زملائك لكن اذا كنت مع زملائك فيد الله مع الجماعة واخلص نيتك لله

وترى مو شرط انك انقبلت في مكافحة المخدرات خلاص بتكون ميداني لا
ممكن تكون اداري ودوامك رسمي او شرطة عسكرية يعني ماتداهم ولا شي
واللي يسمع يقول ان كل يوم يموت واحد من افراد المكافحة انا اعرف شخصيا واحد في المكافحة في الفرقة يداوم يوم ويسلم 3 ايام والحمد لله مرتاح ومبسوط ولايشتكي من اي شي لاتهديدات ولاكلام فاضي

دعواتكم اني انقبل فيه