المشاركة الأصلية كتبت بواسطة اخوكم العاطل

اول شي ادرسي المشروع صح
ثم اختاري الموقع
بعد كذا قدمي عن طريق النت سجل تجاري من موقع وزارة التجاره ماياخذ وقت بعد تسديد الرسوم يجيك لين حد بيتك في فدكس
بعد كذا روحي للبلديه واخذي اشتراطاتهم على المشاغل عشان تشتغلي حسب الاشتراطات لايعلونك بكره
بعد كذا ابعدي كسري وزبطي. المحل كتصميم مشغل
اذا خلصتي المحل صوريه من الداخل وصوري اللوحه وخذي عقد الاجار وصورة اثباتكي اذا عندك بطاقه واذا ماعندك كرت العايله تروحي للبلديه اذا ماعندكي بطاقه بيطلبو برنك من الاحوال خذي منهم خطاب موجه للاحوال وخذي منهم خطاب موجه للدفاع المدني اشتراطات السلامه
روحي للدفاع وجيبي منه ورقه. ان المحل مستوفي السلامه والاحوال جيبي برنك انكي غير موظفه قطاع حكومي
بعد كذا ارجعي للبلديه وخذي نموذج تعبية استماره عبيها ثم حطيها في ملف علاقي مع صورة الاثبات وعقد الاجار وخطاب الاحوال والدفاع المدني مع صور المحل وصورة اللوحه والسجل التجاري
بعدها بيعطونكي موعد للخروج على المحل يكشفون عليه او في نفس اليوم يطلعون عليها
اذا الامور تمام ووافق المراقب ارجعي لهم وحتسددي رسوم اللوحه وبعدها يسلمونكي الرخصه

والف مبروك
بعدها روحي وظفي سعوديات عشان تقدرين تستقدمي عاملات

وبالتوفيق وتاكدي مافيه شي صعب بس اشكاليتنا نعطي اوراقنا معقب وهو يماطل فينا ويقول البلديه عقدتها وهو صراحه ماقدمها

وانصحكي خذي عقد مدته 5 سنوات عشان مايرفع عليكي الاجار او يطلعك المالك