اقتباس:
المشاركة الأصلية كتبت بواسطة مدرريدي
والله يا اخوي عبدالله هذا القانون خراب بيوت والبعض للاسف جالس يهرف بما لا يعرف ويقول اي المفروض من زمان !! القرار السابق كان مخصص لاصحاب المحلات والمجمعات والمقاولات الكبيره وهذا في وجهة نظر صائبه لانهم اصحاب تجاره بالملايين ورؤوس اموال كبيره يعني اذا وظف سعودي ويعطيه 3 او حتى 5 الالف ريال مو مشكله خصوصا الوظائف الادارية والمدارس الاهليه والمستوصفات وغيرها ...بس الحين القرار الجديد هذا اعدام للمشاريع الصغيره امثالنا يعني انا مثلا جهزت مطعم معجنات وشاورما وكلفني بحدود 120 الف طيب محتاج 7 عمال يشغلونه فترتين بين عمال ومعلمين وبعدين بطلب الفيز قالي شغل سعودي اول براتب 3 الاف ريال وسجله بالتأمينات وبعد 3 شهور تعال ونشوف كم فيزه نعطيك بس طبعا احلم نعطيك اكثر من3 !!! والله تعبت ابغى حل منا مناك مافي يعني اجيب معلم شاورما سعودي مثلا ؟؟؟ والا معلم معجنات سعودي يقابل فرن المعجنات ليل ونهار ويتحمل هالحراره ؟؟؟؟ والله بعد مايأست من مكتب العمل بعته بخساره 60 الف ريال وللحين اللي شراه مني صار له 6 شهور و مبتلش فيه والسبب مافي فيز وايضا يبغى يبيعه !!
محلي الثاني (قرطاسيه ) طبعا احلم يعطونك فيزه عليه مطلع لي فيزة سواق هندي وايضا مشغل واحد سعودي 5 ساعات باليوم بس واعطيه راتب 2000 ريال ونفس الشخص اعني الموظف السعودي اللي عندي مسجل سعوده في شركة مقاولات كبيره جدا ويعطونه 3 الاف ريال وهو مايدل حتى باب الشركه وينزل بحسابه الراتب اخر كل شهر !!
انا الان في صدد فتح محل ثاني قرطاسيه ونسخ وتصوير الموقع روووعة والمشروع ناجح مليون بالميه لاني هذا الفرع الثاني الحمدلله بس المصيبه كيف بشغله بدون استقدام مدري !لان هالايام شانيين حملة على المحلات يعني حتى لو اشوف هندي سواق او مصري مو على كفالتي مشكله !!
خلاصة الكلام ان وزارة العمل بهذا القرار خربت بيوت الاف المواطنيين واغلب المحلات بتصير للتقبيل (نفس شارع بيتنا واحد من الشباب مجهز محل مغسله بموقع جبار وخاسر عليها حول 100 الف ) يبغى 5 فيز راح مكتب العمل قالوا له شغل سعودي ومر بعد 3 شهور ولا تحلم باكثر من ثنتين !! وربي صار له شهر عارضها للبيع مافي مشتري مو عشان مشروع المغسله خاسر بالعكس مشروع رابح ومضمون بس كل اللي بيشترونها اول شي يسألون عليها فيز او عمال والرد طبعا لا فيكنسلون عملية الشراء من الاساس !
يعني بذمتكم خراب بيوت والا لا ؟؟
|
الله يجزاك بالخير
هذي هي المعلومه الي نبي نوصلها على كذا اصحاب المشاريع الصغيره تكون عثره امامهم
والشي هذا مخوفني جدا ً