اقتباس:
المشاركة الأصلية كتبت بواسطة تغيير 414
ططيب ردو علي ع الافل  ؟!
|
كمية الطلب تعتمد على منطقتك اذا كان فيها محلات كثير للكوبكيك والكوكيز وعلى اسعارهم اقل من اسعارك اكيد مابيطلبوا من النت والعكس صحيح
ادرسي السوق والطلبة ووازني بينهم
اذا عندك كمبيوتر وطابعه في البيت صممي بطاقة صغيره عليها اسم مشروعك وطريقة التواصل ومع كل طلبيه حطي بطاقة او في برنامج الوورد اعملي البطاقه
اذا ماعندك طابعه احفظي الوورد في ميموري صغير او سي دي وفي اقرب مكتبه او قرطاسيه اطبعيه ماتكلفك خمسه او عشره ريال حسب الكمية اللي تطلبيها
علب الكبكيك خذيها من محلات الجملة وصممي ستيكرات واطبعيها على ورق لاصق والصقي على كل كرتون ستيكر مو شرط تتطبعي على الكرتون نفسه طالما ماتقدري على تكلفته حاليا وشويه شويه تتطوري
وعندي اقتراح ممكن يكون مناسب وممكن لا بس جربي
ابحثي عن المصممات في منطقتك واطلبي تصميم لوغو وبطاقة والمقابل تعمليلها كوبكيك وترسليه لها بما انه ماعندك تدفعي
صعب الطلب شويه ويمكن تواجهي احراج بس المحاولة لابد منها
التصوير جدا مهم في مجالك
صوري منتجاتك بطريقة تفتح النفس واكتبي عليها حسابك في تويتر او تمبلر او موقعك
ان شاء الله افدتك
موفقهـ