اقتباس:
المشاركة الأصلية كتبت بواسطة طوق الحمام
السلام عليكم جميعاااا ...انا متابعه بصمت ومن جد الف شكر لكل احد على اجوبتكم وردوكم الشافية...اختي نبضه دافئه بما انك طازه بالمقابله حبيبتي بغيت اسالك عن الاسئله بالضبط وسالوك شي بالانجلش ..لان عندي مقابله باذن الله يوم الاحد ..انا قدمت عند طريق الموقع والحمدلله... والحين كيف يكون التعيين على كيفهم او بمنطقه سكني...والله يجزاااكم خير والله يفرج على كل عاطل ويرزقنا وبرزقكم الرزق الحلال المبارك ...
|
اهلين اختي لاتتورين ابدا المقابله جدا سهله ومافي انجلش ولا شي كانها سواليف الغرض تتعرف على اسلوبك وشخصيتك لبسك الافضل يكون رسمي والميك اب مطلوب لكن جدا ناعم ميك ابد دوام يعني اول شي راح تدخلي على مشاعل مسووله التوظيف وتعبي اوراق معلوماتك وبعد كذا تروحي لمكتب نوال مديره الشبكات المقابله بتكون سواليف تكلمي نفسك وليه اخترتي البنك ووش رده فعل اهلك الوالد او زوجك من ناحيه العمل بالبنك، هل مستعده لتحمل مسوليات البنك وضغط العمل، لو حطيناك بفرع بعيد عن بيتك عشان تغطي الشغل توافقي طبعا السوال تشوف انتي تتحملي او عصبيه او لا خليك طبيعيه وجاوبي الصراحه مثلا اذا طبعا ماعندي مشاكل بالمواصلات طبعا بغطي او اكيد راح يكون في تنسيق مسبق بحيث ارتب اموري وان شالله بغطي ، بتسالك لو جتك وظيفه حكوميه راح تطلعي من البنك، وش تعرفي عن منتجات البنك، تعرفين البنك وين فيه فروعه العالميه، تعرفين احد بالبنك، اشياء زي كذا وعن حياتك الاجتماعيه
وبس هذا الي اتذكره عموما المقابله 5 دقايق بس
وش تخصصك انتي؟
طبعا مايبون الي بتكمل ماستر او تاخذ تربوي
وبتسالك اذا متزوجه وعندك اطفال طبعا الحامل ماياخذونها
وبالتوفييييق