السلام عليكم ورحمة الله وبركاته

اخوي انت سؤالك كيف تقدر تجيب مثلا مية ريال وانت ماعندك هلله بجيبك صح ؟؟

اتمنى اني اقدر اوصل لك اللي ابي اوصله واتمنى اني اكون فاهمه عليك :-)


راح اذكر تجربه لي يمكن تفهم اللي ابيه

يمكن قبل كم سنه طبعا تقريبا عشر سنوات هالحكايه

انا كبنت ما كان معي ولا هلله وطبعا الاهل عندهم البنت بالبيت دام انها تدرس المهم مانطولها

انا طبعي احب ابتكر بالصبغات حق الشعر يعني ادمج كم لون ويطلع لون روعه <<<<< طبعا ماني عارفه الى الان شلون استفيد من هالمهاره

المهم صبغت لخالتي وطلع اللون يجنن

جاتني بيوم من الايام وقالت لي ان صديقتها تبيني اسوي لها لون يناسبها انا قلت اوكيه بس بصراحه انا ابدا مافكرت اني اطلب فلوس او شي لان خالتي اساسا سويت لها ببلاش عليها فقط المطلوب تجيبه لي

المهم رحت لبيت خالتي وجات هالصديقه وقالت تبي لون خيال فقلت لها ابي هالاشياء ولكن راح يطلع لك لون غريب شوي ولكنه حلو ان شاء الله وراحت جابت كل الادوات يمكن كلفتها اقل من 100 ريال

والله سويت لها ولمن خلصنا طلع بصراحه لون انا ماتوقعته لون مررررره حلو المهم الحرمه كانت جدا مبسوطه وشكرتني وقالت كم تبين حق شغلك ؟؟
انا هنا تنحت شوي طبعا ماجا ببالي انها ممكن تحاسبني وطبعا خالتي تحلف وهي تحلف وانا منحرجه بالنص بينهم

:-)

المهم قالت الحرمه خلاص 200 حلوه ؟؟
قلت لها عادي

وطبعا هي كانت اول 200 ريال اخذها بسهوله

وطبعا هي لو راحت مشغل وسوتها كان كلفتها فوق ال 800 ريال ولا تحصل لون زي اللي سويته لها يعني راح تسوي لها لون تقليدي شوي


وطبعا بعدها اخذت تهزيئه انتي مانتي محتاجه ومن ذا الكلام

المهم انها كانت تجربه حلو



بالنسبه للولد زوجي كان يحكيني انو لمن كان يدرس بالمتوسط وبالثانويه كان وقت الاجازات يشتغل بالكابينه حقت التليفونات براتب 1500 ريال الشهر بس كانت تمشي اموره

وقبلها كان يروح للمزارع اللي قريبه ويلم المحصول معاهم او يكرتنها وياخذ ريال على كل كرتونه يسويها

الحمدلله كان مكافح :-)

عندي لك فكره اتوقع ممكن تزبط ما اعرف بس بحكم انك رجل اتوقع لو تجربها حلو

شوف سوق الخضار بعد صلاة الفجر يكون المزارعين موجودين ويبون يصرفون منتجهم اللي لاحظته يجيهم اليماني او البنقالي او الهندي ويقول انا ابيعها لك بس ماعندي كاش الحساب بعد ما ابيعها عاد ان طاح بشايب وحبوب راح ركض وجاب له كم واحد وصرف الكميه وحاسب الرجال يكون اخذ هو ميه او 50 او اكثر

انت شوف لك واحد من حقين السيارات اللي محمله خضار وقول له انا ابي اصرفها لك وتعطيني مثلا مية ريال او قول له انا اشتريها منك بس ادفع لك بعد ما ابيعها << يمكن يوافق ويمكن لا


او الله يعينك تسلف لك كم ريال الف او حولها واشتر وبيعها على المحلات


مجموعه افكار عندي ولكن ما اعرف متى تشوف النور


والله يوفقك ويسهل امورك



ايه صح نسيت اقول مره وانا بجرير لقيت كتيب صغير ب 20 ريال عباره عن مسجات يعني الكاتب عنده اسلوب حلو واستغله انو كتب رسايل قصيره ممكن الواحد يشتريه ويكتب اللي موجود داخله

هي فكره برضها :-)