اهلن فيك .. منوره المنتدى بتواجدك واولا واخيرا يارب الله يرزقك ويسهل عليك ..


بالنسبه لـ استفساراتك .. وفكرتك ك بداية ماشاء الله عليك

..

-اول شي باب رزق جميل راح يعطوني القرض او لا لأني طالبه !!

ج. اتوقع التقديم عن طريق النت وانا قدمت لـ زوجتي وسحبو علي ف الافضليه تروحون لهم وترى لهم فروع بالقروض .. اذا انتي بالرياض اتوقع طريق الملك عبدالله ..


-اذا عطوني القرض ان شاء الله اقدر اجيب سواق خاص بسهوله او فيه تعقيدات بخلي زوجي يقدم عليه بس لأن ماعندنا اطفال الى الان اقدر اجيب سواق لأني زوجته او لا !!

ج2 . انتي من عندهم تحددين وش مشروعك بتقولين مثلا نقل طالبات وكذا وسياره // هم يوفرون لك السياره والسائق وكل شي ..



- ايش السياره المناسبه انا فكرت بهونداي H1 مستعمله طبعا موديل 2007 وفوق بس قريت عنها كثيرر وفيه منها ديزل وبانزين ايش افضل منهمم وكم احتمال يكون سعر السياره !!

اذا يوفرون لك يشترونها وانتي تسددي فقط السياره .. //


__________________________________________________ _



انا بطرح لك شي اسهل وافضل وارخص لك ..

قيمة فآن نظيف مكيف مكينه قير تمام تقريبا 45000 بالكثيــر طبعا

عندك موقع حراج ف النت وابحثي عن نوع السياره وشوفي اسعارهم >> طبعا الاسعار يوميا تتحدث ..

الـفان يسع 8 طالبات .. وجيبي لك سائق ع كفالتكم واذا ماعندكم عيال ماتقدرون ,, على كذا حطيه باسم اخت لك عندها عيال او اخو زوجك عندهم عيال وجيبو سائق ع كفالتكم ..

بالنسبه للسائق تسسون له تفويض من صاحب السياره الى السائق عشان لو مخالفات تصير عليه هو ..

او تفتييش وماشابهه والتفويض مايطول من المرور نص ساعه بس بحضور صاحب السياره والسائق ..

طبعا تخلينه يوصلكم الصبح ويرجعكم .. ويحط رقمه خلف الفان للمشاوير الخاصه مثلا م بعد العصر ..

وانتي تعطينه كل شهر 2500 ريال والباقي لك من مشاوير وغيره .. وتوفري له سكن لو بالحوش مثلا ..

والله يرزقك يارب //

ملاحظة :: لاتفكري ترى انا طلع براسي اسلاك بمشروعي بس يوم خطيت اول خطوه خلاص صرت اسوي كل يوم اشياء الين الحين الحمد لله قريبا افتح مشروعي .. والله يرزقكم يارب