المشاركة الأصلية كتبت بواسطة هااوي عسكرية

أقول اترك الهياط وأنا أخوك ههههه وش تبي بشرورة مايمدحونها مرة ولو كان بالبوم خير ماعافوه الصيادة أغلب اللي يروحون هناك يرجعون معهم حالات نفسية أو انهم يروحون هناك ويتفاجأون ويفصلون من الجيش حتى قطاعات وزارة الداخلية أغلبهم يفصلون إذا مالقوا دقيش
أنا ماأدري وش السبب بكره شرورة لكن هذا الكلام من واحد بالجيش وخدم بشرورة سنة لكنه خارج نفسه وشرد ونقل الطايف

حاول قد ماتقدر تكون قريب من أهلك أو انك تكون بمنطقة فيها جميع الخدمات
وأنا أنصحك بالمنطقة الشرقية الوالد خدم فيها 10 سنين بالتحديد في الدمام وانبسط فيها خدمات
مولات بحر ناس مثل الدود واماكن ترفيهية كثيرة تسلي نفسك فيها والبحرين قريبة منك أضف الى ذلك البيئة العسكرية هناك كويسة وتطيح بعالم فلة والمنطقة بصورة عامة متطورة وراح تصير كول هناك قال شرورة قال هههه ؟ فكر في الموضوع من جميع النواحي والراتب لاتشيل همه ممتاز
ولايهمك كلام الناس في الرواتب أهم شيء المكان اللي بتعيش فيه وبيئتك العملية
وحتى لوصبرت بشرورة اذا طفشت بعدين مابتلقى أحد يداقشك وكل مادورتلك دقيش سحب عليك ويمكن يلطشك لكن المنطقة الشرقية مرغوبة وبتلقى دقيش بالهبل لجميع مناطق المملكة

مجرد نصيحة من أخ يبغاك تنبسط وترتاح في عملك وانت حر لارحت شرورة وأكلت تبن ذيك الساعة تتذكر نكي وتقول ليتني سمعت كلام هاوي وتنازلت عن بدلاتهم وطبعا أنا وقتها إذا الله أحياني وأعطاني طولة العمر تلقاني أفرفر عند سلاح التموين بالطايف بفورد الشرطة العسكرية واستمتع بالأمطار ههههههه