يا اخوان انا مثلكم خريج تقنيه

مالقيت وظيفه الا بمنطقه تبعد 500 كيلو

وراتبها 3700 وافقت عليها بس علشان اريح الوالد من مصاريفي

صراحه لقيت فئه من الشباب وهم اقليه يبون وظايف في منطقتهم وكل واحد عاطل كم سنه
ويبون وظيفه براتب لا يقل عن 6 الاف وتجيهم على طبق من ذهب
وانا اقولهم صح من حقكم هذي الوظايف بالمرتبات 6 وفوق
لكن شوفو الواقع الي قدامكم ، الواقع يقولك مستحيل الا بمعجزه او واسطه 100٪

وانا بوظيفتي هذي ماني راضي فيها ولا بالمرتب
وانا ادري اذا جينا بالعدل ان الوظيفه الي انا فيها حقت شخص بلا شهاده

الا بسألكم الا صحيح فيه قرار ان من شروط توظيف السعودي لايقل راتبه عن اربع الاف بالقطاع الخاص؟