أسأل الله أن يرزقك ويفتح عليك ويعطيك على قد نيتك يارب العالمين ..
شوف لو أن كل من دعاء على من ظلمه وأستجاب مابقى أحد لأن الدنيا الحين مليانه ظلم
ولكن هذا من الله عزوجل .. مستحيل يضيع حق أحد
وكلها أقدار وآجال عند رب العالمين ..
طيحه أبوك ومرضه وحادثه كلها ربي مقدر أنه يصير له كذا ..
وأنت الآن يمكن متضايق أو زعلان أو مرضت من سالفة أنك ماتزوجت وماأحد فزع لك بعكس أخوانك ماتدري لو أنه خير لك وانت تجهل هذا الشيء ..
يمكن لو تزوج تجيك عين أو تجيكم عين كلكم
أو يجيكم مرض
الناس ماتخلي أحد في حاله وماأحد يسلم من كلام الناس
ويمكن أنت بنفسك بعد زواجك ماتعجبك العروسه أو تصير مشاكل بينكم
وبين أهل العروسه حط في بالك أنه شر وأنصرف عنك .. لاتقول أبوي سبب
كذا ربي ماكتب لك ذيك الساعه أنه يتم شيء ..
وبعدين يمكن الوالد مايبا يزوجك ملاحظ عليك شيء أنا ماأقول أنت فيك شيء
بس ممكن الوالد شايف عليك ملاحظة مثلا طيب زياده ماتصلح للعرب ذولا
ماأقصد أنك أنت ماأنت رجال وماتعرف تضبط أمورك
لا بس بعض الناس تعجز فيهم مايعجبهم عجب
ويمكن من خوفهم وحرصهم عليك يبون لك شيء أفضل
وأزين من أخوانك
وأنت أستعجلت وكان الرد عادي من أبوك أو كان بارد معك يعني مايبي
يرد رد تفهمه أنت أنه
تقليل في مقدراك أو تنقيص من شأنك أو شيء كذا
والله أن الوالدين حقهم كبير وأن ماردوا عنك هذا الشيء إلا خير لك وأنت ماتدري
ويمكن يكون الوالد كبير في السن ومريض بالضغط والسكرولاتنسى فضله عليك
هم سبب وجودك في هذه الدنيا بعد الله وهم اللي مربينك وهم اللي علموك وهم
اللي يعرفونك وش تحب وش تكره وطبعك وأسلوبك وكل شيء أهلك يعني
هم اللي جايبنك بعد الله عزوجل ..
ولاتحسب أن اللي عنده قروش ومشاريع وأمور بطران
بالعكس تلقاه مهوم ومشغول والعيون عليه وكلام الناس كلهم
فسقان فسقان ..
أنت الحمدلله الآن شفت ويمكن أتضحت لك أمورك أنت أول مغمض عنها
لكن تأكد أول شيء أن الله بيده كل شيء وتذكر :
مابين طرفة عين وانتباهتها يغير الله من حالٍ إلى حالِ
وتأكد أن أهلك أمك أبوك أخوانك يبون لك الخير
ويقولون
عمر الظفر ما يطلع من اللحم
لكن أنتبه تحط في بالك أنك فيك شيء وهم مايبونك
كذا بتوسوس ترا وإي تصرف من أهلك لو كان عادي
بتعتبره أنه متعمدين ومتقصدينك وأنك غير وتقعد تبني على أوهام ..
وأنت فاهم وعارف أن الأنسان تجيه ظروف وأمور مو لازم يبوح فيها قدام الناس
حتى لو كان أقرب قريب الله أعلم وش فيه هذا الإنسان ووش يفكر ..
وبس الله يرزقك ويفتح عليك ويثبتك على طاعته ياحي ياقيوم ..
وأعذرني على الإطاله