اقتباس:
المشاركة الأصلية كتبت بواسطة احياائية
أقصد معلمات التعهد المنقولات في الدفعة الثانية في آخر حركة نقل صدرت قبل شهرين تقريبا أو 3 كمان بعض المثبتات ونسبة بسيطة من معلمات الأمر الملكي اللي لسى ما باشروا في أماكنهم المنقولات لها لي صاحبات فيها نقلوا وعلى بداية السنة الجاية حيباشروا في مدارسهم الجديدة من حيكون بدلهم فعلشان كذا أتوقع يكون فيه احتياج .
ال 4600 كانوا بدل معلمات التعهد منقولات الفعة الأولى الحركة الإلحاقية اللي صارت بعد حركة النقل التاريخية على قولة الوزير وباشروا من الترم الثاني في مدارسهم الجديدة وبدلهم عينوا ال4600 .
|
هلا اختي ...
ذولا ما نقول عنهم معلمات التعهد لأنهم من العام بعد ما اصدروا لهم حركه نقل الحاقيه الغوا التعهد عنهم وتم التعامل معهم كأي مدرسات أخريات بدون التعهد ...
العام صدرت حركه نقل الحاقيه لهم وشملت معهم من لم توفق بالنقل بالمرة الاولى ومن لم تتقدم للنقل وتم نقل عدد 7000 معلمه بالالحاقيه ..
وتم مباشرتهم للاماكن الجديده من بداية الترم الثاني أي بشهر 3
ومو كلهم .. ادارات التعليم خيرتهم ...
من تريد ان تباشر الترم الثاني فتتم اجراءات اخلاء طرفها
ومن تريد ان تباشر بداية السنه الجديده للعام الدراسي 1434 - 1435 يتم اخلاء طرفها بنهاية اعمالها أي بشهر 8 ..
دفعة 4600 هذي ترا مو احتياج ...
هذي وظائف شاغره بقايا الأمر الملكي اللي ماتم التسديد بدالهم لأن لو تتذكرين التعليمي المفروض 28 ألف معلمه وزارة الخدمه استدعت 26 الف مدري 25600 معلمه ناسيه والله كم بالضبط وحجتهم كانت إن مالقوا متقدمات مؤهلات لبعض الوظائف وانه رياض الأطفال استدعوا جزء معين وجزء ما استدعوه خلوه لقدام يعني جزئوهم قسمين وكذلك بعض من طلع اسمها بالامر الملكي لم تباشر لضروف منعتها سواء كانت شخصيه أو بعد المكان عن مقر سكنها ...
الله يسامحهم البنات العام حطوا رغبات مايقدرون يروحون لهااا ضيعوا الفرصه عليهم وعلى غيرهم .. وجمعوا كذلك للعدد كم مكان من اماكن معلمات التعهد المنقولات وتم التعيين لهم ومباشرتهم ولازالوا يستكملون العدد باقي ما انتهوا منهم ..
فكانت وظائف الامر الملكي وكذلك دفعة 4600 هي للعام الدراسي 1433-1334 هـ
اما بالنسبه لوظائف العام الدراسي 1434 - 1435 فيتم التقديم لها الشهور الجايه
واعتقد انه بعد ماتصدر نتيجة الدفعه 3 من قياس ...
>>> معلمات التعهد اللي تتكلمين عنهم خلاص اصبحوا معلمات خالين من الشروط عوملوا معاملة الآخريات وتم دخولهم بحركة النقل الخارجيه السنوية اللي تم الاعلان عنها يوم الخميس أعتقد بشهر 3
يعني باااااااااااااقي رددي ياليل مطولك ..
وزارة التربية تشوف احتياجها كم من التخصصات بكل منطقه وتحصر عدد المتقاعدين هالسنه وترسله للخدمه المدنيه ....
وبالنسبه لي ما اتأمل كثيير بعدد الوظايف ..
لان بعد الامر الملكي المدارس صارت فللل من المعلمات وتكدس بشكل كبير
يعني مافي احتياج كثير ... وبالمقابل مافي تنسيق بين وزارة التربية والخدمه المدنيه
المفروض يقاعدون معلمات كثييير مقابل التعيينات اللي صارت علشان يصير فيه احتياج ووظائف شاغره ...
أتمنى وفقت بشرحي لك اختي الكريمه ووصلت المعلومه لك ..
عذرا عالاطاله ...
وفقنا الله جميعا لما يحب ويرضى ورزقنا من حيث لا نعلم