انا توني راجعة من المقابلة 
اول شئ الوظيفة مرشدة طلابية وهما كانو كاتبين بالموقع انه مدرسة علم اجتماع
بس اتضح لي انهم يقصدوا الرواتب والحوافز وكل شئ يكون على السلك التعليمي
لكن المباشرة بالوظيفة تكون كمرشدة طلابية
اول شئ قالولي اني اساسية بجدة وفرحوا قلبي وقت مطابقة الاوراق
بس يوم دخلت اللجنة وقت المقابلة قالو لا انتِ احتياط بجدة وفي وحدة قبلك
فعلا انا يوم شفت اسمي بالنت كانو فيه 5 بنات قبلي تقريبا
وقالولي وحدة منهم اوراقها مااتطابقت لانها علم نفس والوظيفة طالبين فيها علم اجتماع وخدمة اجتماعية ووحدة اتنازلت واانا صرت احتياط
وطبعا الوظيفة بس 1 بكل منطقة يعني خلاص اكتفو بجدة بس اني حكون احتياط لو اللي قبلي ماباشرت الوظيفة لأي سبب من الاسباب
والبنات اللي كانو معايا وقبلو يروحو نجران او الباحة صاروا اساسيات ماشاء الله
رغم انهم اقل مني بالدرجات والمجموع بس لانهم قبلو الوظيفة بمنطقة ثانية
الله يوفقهم يارب والله الغربة صعبة ومكتوب تعهد انه مافي نقل يعني مدري كيف بيقضون عمرهم بمنطقة غير منطقتهم
الله يوفق الجميع يارب