أهلا أختي أوراق أنا فاهمة وعارفة الكلام اللي قلتيه بس أنا ما أتكلم عن حركة النقل الإلحاقية أنا قصدي حركة النقل اللي صارت في الترم الثاني اللي دخلوا فيها المثبتات ومعلمات الأمر الملكي لأن الالحاقية دخلوا فيها بس معلمات التعهد .

أنا لما أقول معلمات التعهد تمييزا لهن فقط لاغير مثل ما نقول مثبتات ومعلمات الأمر الملكي وهذه التسميات دارجة وفي الأول هم كلهم معلمات الله يوفقهم .

على العموم معلمات التعهد - للتمييز - عددهم تقريبا 15000 في الترم الأول نقلوا منهم تقريبا 7000 واللي هي الحركة الإلحاقية على أساس يباشروا في مدارسهم الجديدة في الترم الثاني اللي احنا فيه دحين لأنه كان اجباري عليهم يجلسوا الترم الأول في مدارسهم القديمة وعلى قولتك خيرتهم الإدارات بوقت المباسرة . اشتكوا بعدها البقية منهم على أساس ينقلوهم زي اللي قبلهم ففتحوا حركة نقل في الترم الثاني اللي هي السنوية فكملوا نقل باقي معلمات التعهد وبعض المثبتات وحتى بعض معلمات الأمر الملكي وهذولا حيباشروا مع بداية السنة الجاية .

لا الله يخليك لاتقولي فيه تكدس للمعلمات . المدارس ومع ال28000 إلا أنها تعاني زوجة أخوي إعداد معلمات ومخلينها تدرس علوم لثالث متوسط وتربية أسرية لخامس وعلى أساس كمان تمسك التربية الفنية بس رفضت غير كذا تقول المدرسة ما فيها معلمات فيزياء وأحياء وكيمياء جابوا لهم معلمة منتدبة للأحياء على نهاية الترم الأول .

ما نقول غير حسبنا الله ونعم الوكيل وإن شاء الله يكتبلنا الوظيفة عاجلا غير آجل
أنا متفائلة وبإذن الله نتوفق