احس اللي بيتقدمون على المسابقة الوظيفية الجايه لما يقرون تجمعنا بيتحطمون من طول الانتظار بكل خطوه.

انا عن نفسي والله ما جلست أضيع وقتي وأنا انتظر. جالسه اقدم واعمل مقابلات وحتى لو يجبني شي بقطاع خاص وراتب اعلى من السادسه بوافق

المفروض وظايف الحكومة ما احد يبيها راتب ضعيف ولا فيها بدلات مجزيه

بس بدل النقل البدل اليتيم..

بس الشكوى لله عارفين شلون يلوون ذراعنا وعارفين اننا نبي نتوظف لو براتب رمزي والباحثين عن العمل في ازدياد

ولا راتب ٤ آلاف او ٦ آلاف ما يسوى قومه الصبح وخاصه لو كنتي متزوجه و بتحطين عيالك بحضانات وغير حساب السواق اللي صارت أسعارهم مثل السوق السوده وغير الخدامه اللي بتجيبنها لأنك بترجعين تعبانه ومافيك على شغل البيت

انا ما اقول انتي ادفعي هالمصاريف من جيبك الخاص وإلا وين دور الاب لكن هذي تكاليف زادت لأنك توظفتي ومعناه ان جلوسنا بالبيت أوفر لنا من الشغل

ولو كنتي مو متزوجه بيجي نصيبك يارب وتعرفين ان راتب الوظيفه الحكومية ما يسوى شقاها

هذي بس حسبه عامه للجميع سواء الزوج او الزوجه دفعت المصاريف مو مهم بس أبين ان التكاليف زادت بسبب الوظيفه..

ومع كل هالعيوب انا شخصياً احتياجي للوظيفه نفسي اكثر من ما هو مادي ولله الحمد ولا يمنع من اني ابحث عن الماده اللي هي شي مهم بهالحياه
بس انا أتمنى ان الدوله ترجع وتدرس سلم رواتب موظفين الدوله


حبيت أغير لكم جو بدال موضوع متى النتائج ��������