اقتباس:
المشاركة الأصلية كتبت بواسطة لاوظيفه ولاحافز
شباب كم الشقه بالرياض قريبه من المستشفى للكشف الطبي
وكم بيكون التكسي بيأخذ
وباي حي الشقه
وشكرا لكم
|
اخوووي لا وظيفة لاحافز انا اليوم اخر يوم لي في الكشف الطبي وهذا من فضل ربي الحمدلله
انا جيت من المدينة بطيارة مو بسيارة اذا كنت انت جاي بطيارة اعلمك اسعارهم التكاسي رحت من المطار الى المستشفى بــ 70 ريال وهذا بعد ماغثيتهم كل واحد يقولي 85 ريال عيوا ينزلون في السعر غير لقيت واحد قالي اشيل واحد ثاني معك اشيلك بـ 70 ريال قلتله شيل على كيفك والمهم انه وداني للمستشفى وبعد ماوصلت المستشفى وداني من ورى المستشفى شفت شقق مفروشة قدامي اسمها (ارهى الأماكن) قلت لراعي التاكسي وقفلي عندها المهم لاتضيع انت لاوصلت المستشفى لف على المستشفى ليين تلقى لوحة كبيير سوداء مكتوب عليها بالأصفر هي رحت لقيت سعودي قلتله ابغى غرفه قالي فيه بــ 200 
قلتله تكفى ياولد تشحته اليين نزلت السعر بــ 170 ريال
في اليووم حلوة والله واستاجرتها والحمدلله مرتاح غرفة بحمام بشبكة مجانا بتلفزيون بلازما بثلاجة بمكيف مركزي اللي تبي وانت اذا رحت حاول انك تكلمه والله مايقصر معك بس اذا لقيت المصري مداوم عنه والله انه ماينقص بينشبلك بسعر واحد بس انت قوله واحد استاجر عندكم ب 170 وكذا من هالكلام والله المستشفى تروحلها على رجولك احسن لك من التكاسي واعذرني على الإطالة وان شاء الله اكون افدتك بالتوفيييق...