السلام عليكم ورحمة الله وبركاته






يسعد لي مساكم جميعا واعتذر عن الغياب الفترة الماضية لظروف قاهرة

ومع استمرار هالظروف الا ان صارت تطورات اجبرتني ادخل وابلغكم بالجديد ومابي منكم الا الدعاء






بالنسبة لوظايف البريد تم الاتصال علي يوم الثلاثاء الماضي

وتخصصي بكالوريوس ادارة اعمال + خبرة 4 سنوات

والوظيفة المتقدم عليها مشرف خدمة عملاء السوق

وقالوا لي نبيك تجي السبت عندك مقابلة وبالفعل رحت لهم يوم السبت الساعة 1 الظهر

وجمعونا بالدور الثاني بقاعة كبيرة كلها كنبات وعددنا تقريبا 40 الى 50 شخص

والطريقة كانت مملة انهم ينادون واحد واحد وكتى ما خلص المقابلة نادوا اللي بعده

تخيلوا المقابلة مدتها من ربع الى ثلث ساعة والعدد 50 وبدوا الساعة 1 شوفوا متى انتهوا

انا نادوا اسمي تقريبا السابع وقمت ودخلوني مكتب جنبهم وفيه 3 اشخاص جالسين على طاولة

وبدوا يسألون اسئلة عامة والتركيز اكثره كان عن شغلي الحالي وعن معلوماتي بالبريد والوظيفة المتقدم لها

وللمعلومية الشخص اللي كان ينادي على الاسماء ما شاء الله عليه اخلاق ومحترم ( مطوّع )

سألته وانا طالع وش الوضع الحين يعني ننتظر الاعلان وكيف طريقته ومتى .؟

قال للحين حنا شغالين بالفرز والمقابلات يعني فيه ناس يتصلون عليه هالفترة وبيكملون معهم المقابلات

اما عن النتايج ما عنده اي علم لان فيه لجنة خاصة بالقبول على حسب كلامه







شطحات :-

- احرص تجيب كل ورقة لها علاقة وفيك وبيشيكون على كل اوراقك قبل لا تسوي المقابلة

- الاصنصير حقهم يجيب الهم كنك داخل ثلاجة واستخدامه صعب هههههههه

- حاول تروح بتكسي لان المواقف هناك مثل صعوبة وظايفهم














هذا اللي صارلي بالضبط

وكنت ناوي أدخل واكتب لكم من يوم اتصلوا علي

بس الحين صارت لي الفرصة اني ادخل المنتدى ابلغكم باللي صار كله

وبالتوفيق للجميع يارب





دعواتكم :$