السلام عليكم
اسف لاني تأخرت في كتابة تجربتي العذر والسموحه

بداية كانت مقابلتي في المعهد اليوم العصر الساعه 5 وبصراحه ماكنت محضر كثير بحكم اني كنت مسافر وماوصلت الرياض الى البارح بالليل

عموما .. دخلت المقابلة وكانوا الموجودين تقريبا 8 او 7 اشخاص من الارتباك ماركزت

بداية عرفت طلب واحد منهم اعرف بنفسي وهنا نفطة مهمة لازم تنتبهون لها وهو ان اي جواب تقوله محسوب عليك وراح يستخرجون من اجوبتك اسأله ثانيه فعشان كذا حاول تكون اجوبتك دقيقة وصادقه ولاتتفلسف اهم شي

كانت الاسئلة منوعه مابين اختصاصي في ادارة الاعمال الدولية ووظيفتي الحاليه وطموحي و ايش ممكن اضيف لو توظفت في الوزارة وسألوني لمين تقرا من الكتاب وكلمنا عن سياسة المملكة الخارجية ومن هو نائب الوزير ووزير الدولة للشؤون الخارجية ومتى تاسس مجلس التعاون الخليجي وايش الفرق بين منظمة المؤتمر الاسلامي ومنظمة التعاون الاسلامي

بصراحة السؤالين الاخيرين ماعرفت اجاباتها

الي ابي اقوله ان اي واحد عنده مقابله اهم شي مايرتبك ولا يتفلسف واجد ويكون حذر في اجوبته


مقابلة المعهد الحمد لله عدت على خير وبكره ان شاء الله مقابلة الوزارة


والله يكتب لنا ولكم الخير والتوفيق