يسعد أوقاتك
أخوي بقول لك كلام قلته لأخواني في البيت
انت راتبك ٤٠٠٠ نعمة كريم
انت الحين عايش في بيت أهلك تأكل وتشرب وتنام ومو مقصرين معاك أهلك أكيد
عليك بالتجميع أو الجمعية ،،،
مثلا ٢٠٠٠ ريال من راتبك و دور لك ناس معاك تدخل جمعية
لو أنتو عشرة أشخاص بعد عشرة شهور راح يكون معاك عشرين ألف ريال
ولو تقدر تزيد المبلغ الى ٢٥٠٠ يكون احسن أو تزيد عدد المشتركين الى ١٢ شخص احسن بعد
صدقني الجمعيات تفيد كثير
ولا تقولي مافيه احد يدخل جمعية
لو تجلس مع إخوانك وخواتك وأصحابك الثقه وتطرح عليهم موضوع الجمعية علطول بيفكرون بالموضوع وب يدورون لك على ناس تشترك لان الجمعية تفك أزمة بصراحة
أنا بنت والحمد لله جبت لوالدتي خدامة بفضل الله ثم الجمعية
والجمعية الجايه ناويتها هدية دفعة أولى لسيارة أخوي بأذن الله
ومستمرين بالجمعيات ان شاءالله بس تتوقف شهر رمضان وشهر شوال عشان مصاريف العيد والدراسة الناس مضغوطة ونرجع نكمل بنهاية شهر ١١ ان شاءالله
يعني لاتستحقر نفسك انت قادر على الأفضل ان شاءالله
بس عليك بالجمعيات قد ماتقدر
ماراح تنتهي السنة الا وانت متزوج وعندك بيت ان شاءالله
وإذا مو مستعجل تقدر تخلص السنة وتدخل جمعية لو ست شهور بست أشخاص وتكمل المبلغ الناقص وتكمل نص دينك
وبعدها يبقى عليك بس تسديد دينك الأول
موضوعك هو موضوع اغلب شبابنا
أسأل الله لكم التوفيق وتيسير الأمور