اخوي انا متأكد وقد قابلت المدير العام لبنك التسليف الاستاذ ابراهيم الحنيشل واكد لي الكلام هذا بنفسه


والسالفه اني قدمت عليهم وطلبت تريلة اكتروس جديده موديل 2012 مع القلاب . وبتقولي ليه جديده ؟ اقولك من شورطهم لازم جديده

المهم بعد انتظار سنه ونص قبلوا طلبي وطلع علي مبلغ التمويل مع التأمين الشامل 450 الف ريال
مقسمة على 60 شهر

يعني بالضبط :

مبلغ التمويل 450920 ريال
قيمة القسط الشهري 7515 ريال
راتب الكفيل 22000 ريال
مدة السداد 60 شهراً

والكفيل تراه غارم . ولازم يغطي ثلث صافي راتبه الشهري قيمة القسط , وركز على كلمة صافي , يعني بدون اقساط بدون التزامات

ويوم جيت المدير وقلت هذي شروط تعجزية قال البنك اصلا الغاء تمويل المعدات الثقيلة لكن انتم سوف يتم استثنائكم تقديرا لأنتظاركم

لكن رفضت التمويل لأن شروطه تعجزيه ويبغالك وزير علشان يكفلك

وبأختصار شديد تمويل المشاريع من بنك التسليف مهزله عظيمه ومسرحيه هزيلة ضحيتها الشباب الطموح

اتمنى لك التوفيق