فيه راببط عندهم والرابط ذا جاي من المؤسسة العامة للتدريب التقني والمهني والرابط هذا يحتوي على خانة تكتب فيها رقم السجل المدني وبعدها يتم الضغط على زر الانتر ويطلع ان كان اختبرت بالمؤسسة يطلع عندهه انك اختبرت بجدول وفيه النسبة والتقدير وتاريخ الاختبار ونوع الشهادة ومدة الشهادة واسمك كامل واذا ما اختبرت يطلع عفواً لا توجد نتايج انت روح وشوف ان شاء الله تمشي معك بس مابيك تنحرج قدامهم ويقولون هذا كذاب وهذا وهذا وبعدين وربي هناك العسكري كل واحد اخلاقة قافلة من زحمة المتقدمين انا اتكلم عن الضباط فقط اما الأفراد وربي انهم من ارقى الأخلاق والضباط وربي فيهم شوفة نفسس على ايش ما ادري !!!
انا يوم دخلت عليهم باللجنة احسبهم 4 او 5 ضباط بالكثير وطبيت في لجنة وربي يمكن حول 10 ضباط من رتبة مقدم وعقيد وعميد ولواء براس المقابلة واثنين مدنيين وواحد منهم اخصائي نفي والثاني بالمرتبة الثانية عشر لكن ما نقول الا الله يزينها من سابع سماهه انا صراحة بالمقابلة طقطقو علي وربي طقطقة غير طبيعية وانا اضحك معهم وبنفس الوقت مرتبكك وبنفس الوقت حاقد عليهم وبنفس الوقت عندي حرف دققو فيه ما انطقه زين لكن عسى الله ييسرها من عالي ماهه هذي هي الدنيا حظوظ وتوافيق اما وطاك الحظ ولا وطيته ما نقول الا الله يكتب ما فيه الخير .

انصح كل واحد منكم يدخل المقابلة بهياطط وبصوت قووي ولا يفكر في اطلق شنب وتمشي امورهه
هم يحاولون ينرفزون الواحد لكن انت خلك عادي واضحك معهم واي شي يسالونك جاوب عليهم حتى لو ضحكو ما عليك منهم يبون يربكونك على شان يشوفون شخصيتك تتحمل انك تنهان بالدورة ولا لا ؟

يعني من النهاية اطقع ما تشوفون