فعلا رأي الاخوان سليم الاول عربية خضار ومو عيب الشغل ..
انا لو رجال ماكان جلست في البيت ..
وحاليا انا اشتغل بالتسويق ع النت وودي اعمل اكثر ..
حلو العمل ينظم الحياة وينشط الانسان..

وممكن تقترح ع صديق لك او احد الاخوه بالمنتدى منه راس المال وانت مجهودك..
ممكن تبدأ بمبلغ بسيط نفترض 2500ريال وتنزل الحلقه وتشتري خضار ..

****
او مثل ماقال الاخ حارس امن وراتب حلو ..

***
او تدخل منتديات العقار وتتواصل مع مكتب انك تبغى تشتغل مسوق معاه وتاخذ عروضه العقاريه :
اراضي وفلل وعماير وكذا وتطلب منه توزعها له بالمنتديات مع رقمه ويعطيك راتب ثابت 500ريال + عموله من كل بيعه
يبيعها عن طريق اعلاناتك .. وارسلك على الخاص اسماء منتديات عقاريه واعطيك فكره اكثر لوتبغى تبدأ..

حلو العقار وفلوسه احلى لكن يبغاله بعد التوكل ع الله الصبرررررررررررررررررررررر ثم الاجتهاد وسرعة الانجاز..

****

وممكن تشتغل مسوق لأي شركه اي نشاط مقاولات / ديكور / عن طريق النت تعلن لهم وبراتب بسيط + عموله لكل شي يتم عن طريق اعلانك..
وعشان تضمن حقوقك معاهم تشترط عليهم مايعملون اعلان من طرفهم عن طريق النت علشان يعرفو اي احد يتصل عليهم هو من طرفك عن طريق اعلاناتك بالمنتديات ..
ولو رفضو هالشرط ممكن تطلب منهم يجيبون لك رقم خاص ويبقى معاهم ويتم وضعه بالاعلان ويعرفون اي بيعه تتم فهو لك عموله لانه عن طريق هذا الرقم..

الله يكتب لك الخير.. اي استشاره انا حاضره اخوي ولجميع الاخوه والاخوات..

انا حاليا اشتغل بالتسويق لي 3سنوات ولله الحمد صح متعب ويحتاج صبرررررر واجتهاد
لكن الحمدلله يجيني مبلغ طيب كل كم شهر واحيانا شهريا بفضل الله..
واللي يتوكل ع الله بإذن الله راح يكرمه.. ^_^