اقتباس:
المشاركة الأصلية كتبت بواسطة زمن اسود
الله يعين الحريم والله انهم مظلومات كل الرجال مثل ابوك الله يرحم حالنا ويرسل الفرج من عنده
طيب اكييد الشيخ اللي رحتو له خبيث طيب قولو احنا مايعولنا ابونا وش نسوي بحياتنا
وبعد الرسول اوصى بالنساء خير بس لاحياه لمن تنادي شوفي لاتياسون وكل يوم روحو لشيخ وقولو رفض يطلق يمكن يتراجع عن كلامه
|
شوفي الصراحه انا وخواتي واخواني عايشين عند ابوي بس يعني مدري هالكلمه تعتبر عقوق بس الصدق انه بخيل علينا يادوب يجيب لنا الاشياء الاساسيه ملابس مايشتري لنا بس مره وحده يقضي لنا ملابس لمن يجي عيد الفطر لكل وحده لبس واحد بس بس لبس يعني لاجزمه ولاكسسوار ولامكياج ولا شي حتى لمن جانا حافز يقول لنا عطوني وهو اصلا مو محتاج ماتصدقين قد ايش يحوش بالفلوس ع رغم راتبه كويس نوعا ما المهم الحين وقف مايشتري لنا ملابس ولاشي ووقف حافز عننا وقاعدين بها 
واصلا لمن جانا حافز صرنا نعطي امي عشان يسددون الايجار كل 6 شهور يدفعون 11 الف يعني بالسنه 22 الف واخوي ساكن عند امي كان هالسنه يدرس تحظيري بالجامعه وتركها عشان ابوي رافض يعطيه السياره ويروح ويجي بها يقوله دبر لك تاكسي وادفع من جيبك والحين جلس عند امي ودور له وظيفه علما ان اخوي جدا شاطر ونسبته عاليه اما من ناحية القضاه تطول لها 8 سنين تطالب بالطلاق والمعاملات تطول بالمحكمه وتوقف وام الحاله حتى امي لمن يجي دورها تتكلم يقولها القاضي اسكتي ياحرمه ولمن ابوي يجي يقاطع كلامها يخليه يتكلم وجدي عصب ليه تسكت بنتي ! واصلا الحق مع امي كان ابوي يسوي الهوايل فيها مااقول الا الله ينتقم من كل ظالم في الارض