السلام عليكم انا رحت للمقابلة وابي اعلمكم بالتفصيل الممل مكان هيئة التحقيق امام مصرف الانماء واللي ما يعرف مصرف الانماء مجرد ما يشوف عمارة المملكة على طريق الملك فهدتكون الهيئة واضحة قدامه بالجهة المقابلة هذا اقرب واحسن وصف للي يخاف من الضياع والتوهان لما تدخل الهيئة يقابلك عسكري معه كشف باسماء اللي راح تقابلهم الهيئة اليوم واي واحد يجي بغير يومه يطلعونه بعدين ودونا لقاعة كبيرة في الدور الثاني تكفي لقرابة المئتين شخص وهناك قابلونا موظفين خلوقين قال لنا احدهم كل واحد يجلس ولما اناديه يجي بعد ما يناديك تجي عند موظف الحاسب اللي في القاعة وتعطيه بطاقتك ويشيك على بياناتك بعدين يقول لك خذ اربع اوراق من الطاولة اللي امامك والاوراق هي اقرار طلب الوظيفة والخدمات السابقة والرغبات المكانية والورقة الاخيرةقائمة باسماء مناطق الاحتياج لما تعبيها وتخرمها لازم تخلي ورقة اقرار طلب الوظيفة في الاعلى بعدين رحنا للمدققين اللي يشوفون ملفاتنا وكيف ترتيبها واذا شافك مرتبها زين يقولك انتظر اختبار الحاسب جلست انتظر لمدة ساعة تقريبا ثم جاءنا موظف وقال اللي يسمع اسمه يروح معي للحاسب علشان الاختبار ينادون على 11 اسم دفعة دفعة والاختبار سهل جدا بس ركز على الهمزات والفواصل والرموز ويقولون لك هذا الاختبار عليه 20 درجة ولازم تخلصه بخمس دقائق طبعا لا تفكرون ان فيه عداد يحسب الوضع سهالات لا فيه عداد ولاشي الموظف هو اللي يحسب ويقدر الوقت بدون جهاز بعدها لطعونا ساعتين (((الله يسامحهم ))) علشان المشايخ والمحققين ما يداومون الا عند الساعة خمس لما جوا المشايخ والمحققين صارت الساعة تقريبا خمس وربع جاء الموظف ينادي عشر عشر تقريبا وكل موظف ياخذ طلابه للدور اللي فيه الشيخ (( انا عن نفسي كنت باللجنة الثانية الدور التاسع )) بعدها الله يسامح ويهدي المحققين لطعونا لمدة الساعة والربع على كراسي الانتظار في السيب حقهم وصارت الساعة عندي الساعة ست وربع ثم ناداني الموظف وقبل لا ادخل للشيخ قال لي نصيحة وحدة اررررررفع صوتك ولا تخفضه ابدا يعني بالعربي الفصيح خلك جريء دخلت على الشيخ سألني عن اسمي وعمري وشهادتي وعملي الحالي ان اكنت اعمل وبعده بدا التحقيق ((( لاتنسون ترا اللي يقابلكم متخصص بفك طلاسم المجرمين والمتهمين )) يعني احذر انك تلعب عليه لانه يعرف فلتات اللسان وحركات العيون سالني عن اخر كتاب قراته فقلت له اخر كتاب قرأته كان لشيخ الاسلام ابن القيم وهو كتاب الروح بعدها سألني اسئلة عن ابن القيم وحسيت ان روحي بتطلع مني يعني من هو شيخه الاساسي وما هي ابرز كتبه ومؤلفاته وغير ذلك بعدها سألني وش تعرف عن هيئة التحقيق وسالني عن مهام كاتب الضبط اخر شي قال لي قدامك قلمين واحد ناشف وواحد سائل اختر اي قلمين واكتب اللي امليه عليك طبعا القطعة فيها كلمات بها همزات ومدود وما الى ذلك الغرض من هذا الاختبار هو بيان مدى حسن الخط مع خلوه من الاخطاء الاملائية ثم سالني عن الحاسب وهل تتعامل معه حاليا ام لا طبعا كل هالمقابلة تصير والكاتب بجنبه يقيم درجاتك ويكتب اقوالك يعني بالمشرمحي اعتبر نفسك ممسوك بقضية وفضفض كل اللي بقلبك علشان تاخذ البراءة او يخففون عليك الحكم نصيحة مني لكم لا تسالهم عن موعد صدور الاسماءابدا لان هذا الشي مو من اختصاصهم هذا كل شي باختصار مع الملاحظة انك راح تصلي عندهم صلاتي العصر والمغرب والله الموفق