مرحبا اخوي مشروع ناجح ان شاءالله من واقع تجربه سابقه ولكن يبي تعب وصبر 20! الف كويسه تحركها تبيع وتشري لكن تربيه ماتنفع ابد اقولك ليش الحين لو بتشري غنم تربيها ب 20 كم تجيبلك فرض نقول اخذت الراس ب1000 وهذا محال وخصوصا النجدي والنعيم والحري غاليه الذبح فما بالك القني يعني فلوسك بتجيب 10 او 15 راس واحسب حساب العلف والعامل تقول ابيع عيالها تصرف اكثر يعني يمكن يجيك مردود 12 الف وانت صارف 15 الف
افضل شيء تنزل للحراج الصباح والخميس والجمعه يعني قبل تبد اشتر بعيونك بس اعرف الاسعار واذا صار عندك نظرة وعرفت السوق استخر الله وابداء فيه طريقتين تجيب من القرى واسواق برا المدينه وتبيع بالمدينه او انك تشري بالجمله الصباح من الجلابه الي من برا السوق انتبه من الشريطي لن ماورى مصاص العجم عيشه وتشري جمله وتبيع تفريد وشوي شوي لين تكون راس مال وحط تربيه تربيه اقل من 300 بالوقت الحالي اشوف من نظرتي القاصره انها خساره والسبب غلو الاعلاف وقلة الامطار


بالتوفيق وعقبال مايصير لك شركة مساهمه مثل المكيرشش <<( الله لا يذكرها بالخير كانت وجه شئوم على اغلب الشعب السعودي )