السلام عليكم ورحمة والله بركاته ...



يا صاحبي...........


ياصاحبي مثلك ذخرته واحنّه
زل الوصال ودرب الاحباب ممدود

الطيب يجنى والذهب من مغنّه
ماهوب في درب المساكين مرجود

ماكل من يضحك جعلته مظنّه
يبقى على قدّه مقدّر ومحدود

واللي يبدل واجب الفرض سنّه؟
هذاك في وادي معاكس ومسدود

كني به الى فاق ثم جر ونّه
الى اكتشف فيها بعض الاوجه السود

اللي سلام الله تقفيّه منّه
وان مر عرضه كلهم صارو اشهود

بالكذب والبهتان انّه وانّه
وايصغّرون الطيب منّه وهو عود

واللي سلاحه للنشاما يسنّه
يذرع لسانه خابرٍ ماله عضود

يلبس قناع الكذب والغدر عنّه
محمود فالظاهر وهو غير محمود

يكفيه حرمانه على سوء ظنّه
وان مات مايلقى عذر والعذر كود

ومن مات مات وسجة الناس منّه
الا العمل يبقى على طول موجود

في الاخره ما غير نارٍ وجنّه
لاعاد به نقصٍ ولا عاد به زود




.........................