حلول البطالة Unemployment Solutions - عرض مشاركة واحدة

نقوش الثلاثين · #13 (**permalink**) 28-05-2013, 04:43 AM

اقتباس:

المشاركة الأصلية كتبت بواسطة دلني عالسوق

ما فهمت قصدك بأن اهتمام الناس زاد بتويتر وغيره ؟!!
اش رايك انتي تروحين لهم هالناس لي عندهم وتشاركينهم اهتمامهم ؟! فتحي حساب بتويتر وفيس بوك وانستغرام وصوري منتجاتك وكل فترة حدثي المحتوى .. لازم تقضين وقت يوميا على هالبرامج ..

التاجر الناجح يبحث عن اي فرصة للحصول على اكبر قدر من الزباين ..

ما اشوف في ظل هالمبلغ غير انك تشترين بضاعة بكمية متوسطة او بالحبات ويكون شراءج من المصدر او الوكيل او اي تاجر جملة صفقة مدروسة وناجحة بحيث السعر قليل والجودة كبيرة والطلب المتوقع عليها كبير ..

اقتراحات تناسب ميزانيتك ..

1- بما انك لا تملكين راس المال المؤهل لفتح نشاط او مشروع .. فهنا يلزمك تتعلمين شي تسوقينه !! مثل خدمة .. فهمتيني ؟؟ بعطيك مثال .. مثلا تتعلمين تغليف الهدايا وتنسيق الزهور وكذا .. بجزء من المبلغ اللي عندك تشترين خامات التغليف .. وتسوين لك دعاية واعلان بكل مكان في منتديات وووو وحتى بين جيرانك وصاحباتك ..

2- تشوفين احد من اللي يطلبون من النت خصوصا المواقع الصينية .. وتختارين منتج او بعض المنتجات اللي تحسين بيكون عليها طلب وسعرها في المملكة غالي نوعا ما .. فتقدرين تلعبين انتي على وتر السعر والتوصيل لحد البيت والدفع عند التوصيل .

3- تروحين للكويت أو (دبي) اسواق الجملة بالسيارة .. تشترين ملابس نسائية .. اتوقع البنات بيحبو الملابس الكويتية خصوصا ان اسعارهم حلوة .. ممكن تاخذي ربح 30 ريال أو اكثر على كل جلابية مثلا .

تسويقك لهالمنتجات ممكن تكون اسهل لو كنتي وسط معلمات او موظفات وكذا ..

والله يوفقك وتحصلين اضعاف هذا المبلغ ..

اولا مشكور او مشكورة على اهتمامك

بقولك قصدي انا قبل سنتين كل كم شهر اجيب نوع معين واسوق له وحمد لله يمشي معاي . مثلا مره على الشتاء لقيت تقليد ميه بالميه لشالات الماركه وحمد لله مشى كذا درزن

بس حاليا كل ماقول بجيب شي قالو تويتر مليان ومتجر كامل مو نوع واحد

معاك حق بموضوع دبي او الكويت ومنتظرة فرصة اسافر او حد يرو ح لها واوصيه

صح عليك التسويق محتاج اختلاط بس مافي شي بعيد على الله

ياليت بس اعرف وش المواقع الصينيه

مره ثانيه شكرا وربي يرزقك من اوسع ابوابه