اقتباس:
المشاركة الأصلية كتبت بواسطة نقوش الثلاثين
اولا مشكور او مشكورة على اهتمامك
بقولك قصدي انا قبل سنتين كل كم شهر اجيب نوع معين واسوق له وحمد لله يمشي معاي . مثلا مره على الشتاء لقيت تقليد ميه بالميه لشالات الماركه وحمد لله مشى كذا درزن
بس حاليا كل ماقول بجيب شي قالو تويتر مليان ومتجر كامل مو نوع واحد 
معاك حق بموضوع دبي او الكويت ومنتظرة فرصة اسافر او حد يرو ح لها واوصيه
صح عليك التسويق محتاج اختلاط بس مافي شي بعيد على الله
ياليت بس اعرف وش المواقع الصينيه
مره ثانيه شكرا وربي يرزقك من اوسع ابوابه |
مشكور وانا اخوك .. 
هههه ..
فاهم قصدك زين .. شوفي .. مرات يكون شارع واحد مليان من الجهتين مطاعم ويمكن اغلبهم نفس التخصص بس ربك كريم كل واحد وله رزقه وكللللهم شغالين مية مية .. بس ربك خلق وفرق .. ناس مكسبها كبير وناس مكسبها اقل ..
اقدر افيدك بهالجانب إن شاء الله (كيفية التميز في تويتر وفيس بوك والانستغرام والمنتديات) لو رسيتي على فكرة ... عندي افكار كثيرة ..
ما ادري مسموح احط روابط مواقع او لا ؟!! بس بحط
http://www.made-in-china.com/
هذا الموقع بعد ما تحطين السلعة المرغوب بها وخل نقول مثلا هدايا gifts راح تحصلين مئات المصنعين .. كل مصنع ومعلومات عنه ووين موقعه داخل الصين وبالامكان ترسلين لهم طلبك وهو يرد عليك بالأسعار طبعا اسعار جملة ..
لكن ممكن بذكاء انتي تلعبين عليهم .. تقولين لهم انا ابغى عينات للتجربة وابغهاه بسعر مخفض مثلا .. ما راح يقصرون لأنهم عرفين لو عجبك منتجهم راح تاخذين منهم بكمية ..
التوصيل للكميات القليلة غالبا يكون شحن جوي .. الغالب الكيلو يكون في حدود 50 ريال او حسب الشركة .. والمدة تاخذ من بعد الدفع بواسطة ويسترن يونيون في حدود اسبوع في احسن الأحوال ..
عليك قضاء ايام وساعات بس في الابحار داخل هذا الموقع اللي يبيع من الابرة لي الطيارات والشاحنات ما خلوا شي قسم بالله .. 