اقتباس:
المشاركة الأصلية كتبت بواسطة حبيبة
اولا الاجانب ماجوا من انفسهم واكلوا رزقكم هم جايين لان الشركات الي طالبتهم تدري ليه؟؟ لانهم أكفأ من السعودين بالشغل واكثر صبر
واول مرة اسمع ان الاجانب يعاملون السعوديين بنفس قشرا دايما اسمع العكس لان السعوديين دايما ينافخون والاجنبي يتحمل عشان رزقة ويبذل جهده عشان ماتجي شكوى ضده وتطيره لبلدة
جارتنا مو سعودية وزوجها دكتور بالمستشفى معاه ماجستير وراتبة زي راتب الممرضة!!!
يعني الحين انا من كلامكم حاسة ان السعوديات الي صار لهم خمس سنوات ماتوظفوا وراحوا توظفوا بقطر والكويت برواتب احنا مانخذها هنا اول مانتوظف ظلموا الكويتيات والقطريات وأكلوا حقوقهم!!!!
الله اللي يوزع الأرزاق مو انت ولا هو والا هي
انتوا ادعوا والله يرزقكم ولاتنظرون لشي بإيد غيركم
|
لا من يقول إن السعوديين مو اكفأ بالشغل ,, شكلك ماتعرفين السعوديين زين
شوفي كم طالب جامعي يشتغل على ليموزين ويكد بالحر والبرد ,,, وعندك الكاشيرات (بنده, العثيم , جيان, ...) و الكبائن و حراس آمن ,,, كلهم سعوديين ,, ومستحيل خليجي يرضى بهذي الوظائف وهو جامعي ,,, ماحد رضى فيها الا السعوديين الي تقولين مو أكفأ ..!!
تقولين الاجانب ماذلونا ..!!! قدمي على شركات ومؤسسات وشوفي كيف الاجانب يعاملون ,,, يذلونك ذل 
وأكبر دليل هالبقاليين وهم مامعهم شهادات ولا شي لعبوا بالسعوديه لعب (سرقه , قتل , تهريب , .... جرائمهم لا تعد ولا تحصى ) فما بالك بالاجنبي الي معه شهاده ومستقوي ..!!
بعدين الي تقولين السعوديات الي توظفوا بقطر والكويت أخذوا رواتب مو لهم ,, أتحدا اذا فيه كويتي أو قطري جامعي جالس بالبيت وهذي الدول ماتعرف شي اسمه بطاله وعندها نقص بالموظفين علشان كذا رضت بالسعوديات ,,, لو حصل عندهم بطاله أول ناس راح تطرد من الوظايف هم السعوديات ,,,
وبالاخير هذي الوظائف ارزاق من رب العباد ,,, الله يرزق السعوديين والسعوديات بالوظائف الحلال ويبعدهم عن الحرام ,,,