اقتباس:
المشاركة الأصلية كتبت بواسطة حبيبة
انا احكي من تجربة شفتها عندنا فالكلية كل الاستاذات والدكاترة مو سعوديين بس لما جت عندنا دكتورة سعودية ومعيدة سعودية ذلوا الاستاذات الاجنبيات ذل مع انهم الغلطانات والاجنبيات على حق لا وتنافخ على رئيسة قسمنا سابقا قدام الطالبات واحرجتها
وعلى فكرة احنا فالكلية ماحسينا اننا مذلولين وخايفين ومظلومين فالدرجات الا لما جو الاساتذة السعوديات
|
الدراسة شئ ومجال العمل شئ ثاني...
ومع احترامي لك.. والكلمة ما اقصدك فيها..
بس الاجنبيات يطلعون جيل فااااااااااشل... درسوني اجنبيات وسعوديات.. صحيح السعودية تتعبك.. لكن اذا طلعتي طلعتي فاهمه.. تبقين تتذكرين كل كلمة انقالت.. الاجنبية خرابيط.. حفظ ليلة الامتحان..كأنك طالبة مدرسة.. واذا وقفتي كمدرسة ولا معلومة براسك.. وكذلك تدريس الرجال فاشل... شبكات..
ولي قريبات بكليات كل كادر التدريس مصريات وسودانيات.. بصراحة ولا شئ يمنا.. حتى من اناقشهم باي نقطة يفتحون فمهم.. ومن كنت بالكلية يجونا من خارج المنطقة.. يرسبون وينحاشون.. يقولون ما نقدر على صرامة تدريسكم.. لما كنت طالبة اكره السعوديات.. واتمنى مصريات.. ولما وقفت مدرسة.. تمنيت ارجع طالبة.. وكل المواد يدرسوني سعوديات.. اللي درستني السعودية بقى نقش على الحجر.. واللي درستني الاجنبية كانك تكتبين على الماي.. ولا شئ.. حتى اسماء المواد بعضها ناسيتها..
كلامي مو تحيز لبنات بلدي.. لكن احقاق للحق وعن تجربة..ولمعرفتي بنت البلد تبغاني اكون قمة..
وحتى من دخلت مجال العمل.. المدرسات الاجنبيات مش حالك,, لطالبات السعوديات.. دخلت لو على كيفي بنات الثانوي ارجعهم ابتدائي لسوء مستواهم.. عكس مدرسة درست فيها المدرسات سعوديات.. كان مستوى الطالبات عالي جدا جدا لانه كل اللي درسوهم سعوديات..انا سعودية اقول للطالبات اي معلومة ما تفهمونها اعيدها مره واثنين وثلاث.. واي بنت تواجه صعوبة انا موجودة بغرفه المدرسات.. اللي مو فاهمه تقولي واعيد لها لحالها وخارج غرفة المدرسات..وفعلا كنت اسويه.. يهمني البنت السعودية تطلع فاهمة.. ورغم صعوبة اسئلة الامتحان.. الا انه الدرجات تبرد القلب.. وتفوق رائع جدا جدا..
وملاحظة.. من تدخلين مجال العمل .. ويكون اللي بوجهك اجنبيات هم يعرفون انه دراستك.. خرابيط يوجهون لك اسئلة ما تعرفينها تربكك..ويصير لهم الحق يستبعدونك.. وراح تعيشين وتوقفين مدرسة وتشوفين فشل الاجنبيات..خصوصا اذا كان معك مدرسات من غير كليتك ومنطقتك دارسات..
[